"توقاەۆ لۋكاشەنكونى نەگە قۇتتىقتادى? مەنٸڭ ارناما جازىلۋشىلاردىڭ كٶبٸسٸ ماعان وسىنداي ساۋال تاستايدى", - دەپ جازادى وراعالي سەلتەەۆ Telegram-ارناسىندا.
- بٸزدٸڭ مەملەكەتتٸك اپپارات پەن حالىقارالىق قاتىناستار جٷيەسٸ قازاقستان اۋماعىندا قالاي ەرەكەت ەتەتٸن جاقسى بٸلەمٸن, سوندىقتان ساياسي پراگماتيزم مەن رەاليزمنٸڭ قولداۋشىسى رەتٸندە بۇل ۇستانىمنىڭ ناقتى اسپەكتٸلەرٸنە توقتالا كەتەيٸن:
بٸرٸنشٸدەن, ساياساتكەردٸ سايلاۋداعى جەڭٸسٸمەن قۇتتىقتاۋ - جالپى ديپلوماتييالىق اتريبۋت. بۇل, ەسٸرەسە ەكٸجاقتى تىعىز قارىم-قاتىناس ورناتقان مەملەكەتتەر ٷشٸن زاڭدىلىق ٸسپەتتٸ.
بۇل جەردە قاسىم-جومارت توقاەۆ, مەسەلەن لۋكاشەنكونى نەمەسە زەلەنسكييدٸ قۇتتىقتاپ جاتىر ما, اراسىندا ەشقانداي ايىرماشىلىق جوق. ەستەرٸڭٸزدە بولسا, 2019 جىلى نۇرسۇلتان نازارباەۆ مەملەكەت باسشىسى بولىپ تۇرعان كەزد بيلٸككە بارقىت تٶڭكەرٸسٸ نەتيجەسٸندە كەلگەن ارمەنييا پرەمەر-مينيسترٸ نيكول پاشينياندى دا قۇتتىقتاعان.
ەكٸنشٸدەن, مۇنداي سىپايى ٸزەتتٸلٸك پوستكەڭەستٸك كەڭٸستٸكتەگٸ ساياسي ەليتالار اراسىندا 30 جىل بويى دەستٷرلٸ قۇبىلىسقا اينالعان. سونىمەن قاتار, بۇل ارادا ەاەو, ۇقشۇ جەنە تمد شەڭبەرٸندەگٸ سەرٸكتەستٸك فاكتورى دا ماڭىزدى رٶل اتقارادى. بۇل ۇيىمداردىڭ مٷشەلەرٸ بٸر-بٸرٸن, ەڭ جوعارى لاۋازىمعا قايتا سايلانعان كٶشباسشىنى باسقا مەملەكەتتەردەن بۇرىن قۇتتىقتاۋعا تىرىسادى. بۇل دجەنتەلمەندەر كلۋبىنىڭ اشىق ايتىلمايتىن, بٸراق مٸندەتتٸ تٷردە ورىندالۋى تيٸس ەرەجەلەرٸ ٸسپەتتٸ نەرسە. مەسەلەن, لۋكاشەنكونى پۋتين, ميرزييوەۆ, تٸپتٸ سول پاشينياننىڭ ٶزٸ دە قۇتتىقتادى.
ٷشٸنشٸدەن, جوعارى لاۋازىمدى تۇلعالاردىڭ سايلاۋداعى جەڭٸسٸنە ارنالعان قۇتتىقتاۋ جەدەلحاتتارىن جٸبەرۋ پروتسەسٸ - ستاندارتتى الگوريتم. مۇنداي مەتٸندەردٸ پرەزيدەنت ەكٸمشٸلٸگٸنٸڭ سىرتقى ساياسات بٶلٸمٸ بٸرنەشە شابلون بويىنشا الدىن-الا دايىندايدى.
سودان سوڭ وسى شابلونعا تەك جارييالانعان نەتيجەدەگٸ جەڭٸسكە يە ادامنىڭ اتى-جٶنٸ ەنگٸزٸلٸپ, جولدانا سالادى. ياعني, ول مەتٸندە لۋكاشەنكونىڭ دا, تيحانوۆسكايانىڭ دا اتى-جٶنٸ بولۋ مٷمكٸندٸگٸ بٸردەي بولعان. دەگەنمەن پرەزيدەنت ەكٸمشٸلٸگٸنٸڭ قىزمەتكەرلەرٸ مەتٸنگە جاعدايعا ساي سٶزدەر ويلاستىرۋى كەرەك ەدٸ. سوندىقتان, توقاەۆتىڭ وسى قۇرىلىمدىق بٶلٸمگە قاتىستى ٶز سىنى بولۋى دا ىقتيمال. بۇل رەتتە قازٸرگٸ سەتتەگٸ جاعدايلاردى ەسكەرە وتىرىپ, تالداۋ مەن بولجامنىڭ ساپاسىن جاقسارتۋ قاجەت. سونىمەن قاتار, اپ ساياسي ساراپتامانى ۇسىنۋدىڭ بالاما كٶزدەرٸن كەڭەيتۋٸ كەرەك. جالپى العاندا, ناقتى ساياسي پروتسەستەر دەگەنٸمٸز وسى.
ەندٸ, ەڭ باستىسى. ديپلوماتييالىق اكت رەتٸندەگٸ مۇنداي ستاندارتتى قۇتتىقتاۋلار بەلارۋس بيلٸگٸ تاراپىنان جاسالعان بارلىق زاڭسىز ەرەكەتتەردٸ قولداۋدى بٸلدٸرمەيدٸ.
بٸزدٸڭ مەملەكەتتٸك اپپاراتتاعىلار ەرٸپتەس مەملەكەتتەگٸ جاعدايدىڭ وسىنداي دەڭگەيگە دەيٸن ۋشىعاتىنىن, لۋكاشەنكونىڭ وسىنداي راديكالدى تٶتەنشە قادامدارعا باراتىنىن كٷتكەن دە, بولجاعان دا جوق, وعان سەنٸمدٸمٸن,
قوعامداعى قۇبىلىستار مەن بەلگٸلەردٸڭ بارلىق سپەكترٸنە سٷيەنە وتىرىپ, ەگەر لۋكاشەنكو ەلٸ دە بٸراز ۋاقىتقا دەيٸن بيلٸك باسىندا وتىرسا-داعى, ودان حالىقارالىق قاۋىمداستىقتىڭ تەرٸس اينالا باستايتىندىعىنا سەنٸمدٸمٸن".
