Saiasattanýshy Erbol Edilov Prezident komandasyndaǵy negizgi "oiynshylardyń" saiasi portretin jasaýǵa jeń túre kirisip ketti. Ol alǵashqy keiipkeri retinde QR Premer-ministriniń orynbasary – Syrtqy ister ministri Murat Nurtileýdi tańdapty. Avtor Nurtileýdiń ómir joly men saiasi qyzmetin egjei-tegjeili baiandaǵan. Ózi de mazmundy ári uzyn-sonar eken. Sondyqtan biz sonyń ishindegi eń mańyzdy ári qyzyqty tustaryn ǵana iriktep usynýdy jón kórip otyrmyz, dep habarlaidy Dalanews.kz.
Edilov ministrdiń jasy men tájiribesine erekshe mán beredi:
"Onyń jasy – 49-da, bul memlekettik qyzmette mol tájiribesi bar saiasatker úshin eń perspektivaly kezeń", – deidi sarapshy.
Saiasattanýshy Nurtileýdiń halyqaralyq arenadaǵy bedeli men jumys stiline de jeke-dara toqtalǵan:
"Murat Ábýǵaliuly, ashyǵyn aitsaq, Sergei Lavrovpen de, Marko Rýbiomen de erkin ári teń dárejede sóilese alady. Ol Qazaqstannyń múddesin ShYU-da da, UQShU-da da, Túrki áleminiń máselelerinde de birdei tabandylyqpen qorǵai alady", – dep jazady Edilov.
Sońǵy bir jylda ministrdiń syrtqy saiasattaǵy belsendiligi airyqsha kózge túsken:
"Nurtileý bir jyldyń ishinde 23 sheteldik saparǵa shyqqan. Budan bólek, 24 eldiń basshylarymen jáne syrtqy ister ministrlerimen kezdesýler ótkizdi. Prezident Qasym-Jomart Toqaev keide túrli protokoldyq nemese basqa sebepterge bailanysty ózi qatysa almaityn kezdesýlerdi oǵan senip tapsyra alady. Máselen, jaqynda ǵana Murat Nurtileý Qazaqstan atynan Braziliiada ótken BRIKS sammitine qatysty. Sondai-aq AQSh Memlekettik hatshysymen, BUU Bas hatshysymen de kezdesti, ShYU men UQShU-nyń birqatar sharalaryna belsendi aralasty", – deidi saiasattanýshy.
Sonymen qatar, sarapshy Nurtileýdiń jumysyn durystap kórsetýge kelgende olqylyqtar baryn ókinishpen atap kórsetedi:
"Qazaqstandyq BAQ nege ekenin bilmeimin, Murat Nurtileýdiń atqarǵan isterine asa qyzyǵýshylyq tanyta bermeidi, tek erekshe jaǵdailarda ǵana esine alady. Shyn máninde, árbir kezdesý, árbir kelissóz – onyń kúndelikti eńbeginiń kórinisi. Bul syrtqy ister ministrligi men tutas Úkimettiń úzdiksiz atqarylyp jatqan jumysy ekenin durystap túsinýimiz kerek", – dep jazady avtor.
Saiasattanýshy jazba bylaisha túiindeledi:
"Murat Nurtileý áli 50-ge de tolmaǵan. Demek, onyń saiai qairatker ári memlekettik qyzmetker retindegi alar negizgi asýlary áli alda".
