Saiasattanýshy Eldos Jumaǵulov qosymsha qun salyǵyna bailanysty pikir bildirdi, dep habarlaidy Dalanews.kz.
"Kompromiss – bul eki taraptyń da qalaǵanyn tolyq ala almasa da, birge alǵa jyljýǵa tyrysýy.
Bul oi vitse-premer Jumanǵarin usynyp otyrǵan salyq reformasynyń logikasyna sai keledi: QQS-NDS (qosymsha qun salyǵy) mólsherin arttyrý – bir jaǵynan halyqqa júkteme bolýy múmkin, ekinshi jaǵynan eldiń turaqty damýyna qajetti qadam. Iaǵni, bul – áleýmettik ádilettilik pen ekonomikalyq turaqtylyq arasyndaǵy kompromiss", - dedi ol.
Ol keiingi ýaqytta jańa Salyq kodeksiniń jobasy qoǵamda qyzý talqylanyp jatqanyn atap ótti.
"Ásirese salyq mólsherin arttyrý jaily kóp áńgime júrip jatyr. Búgin Májiliste Serik Jumanǵarin bul ózgeristerdiń mánin túsindirýge tyrysty.
Ministrdiń aitýynsha, QQS-ty 16%-ǵa kóterý biýdjetke qosymsha 3 trln teńge ákelmek. Bul aqsha jol, mektep, aýrýhana, qaýipsizdik jáne infraqurylym siiaqty mańyzdy salalarǵa jumsalady. Iaǵni, bul qadam halyqtyń ómir sapasyn jaqsartýǵa múmkindik beredi.
Sondai-aq bul ózgeris Ulttyq qorǵa túsetin aýyrtpalyqty azaitady. Qazir elimiz munaidan túsetin tabysqa táýeldi. Al QQS arqyly biýdjetke turaqty kiris túsip tursa, ekonomika munai baǵasynyń qubylýyna onsha táýeldi bolmaidy. Bul syrttan qaryz almaýǵa da múmkindik beredi.
Áleýmettik ádilettilik te eskerilgen. Úkimet áleýmettik mańyzdy taýarlar men qyzmetterge QQS-ty tómen nemese múlde 0% dep belgilemek. Mysaly, aqyly meditsinaǵa – 10%, al azyq-túlik, kitap basý, arheologiia siiaqty salalar QQS-ten bosatylady. Negizgi stavka – 16%, biraq ár salaǵa qarai ózgerip otyrady.ásirese QQS mólsherin arttyrý máselesi", - deidi ol.
Sonymen qatar ol korporativtik tabys salyǵy boiynsha ózgeristi de sóz etti.
"Bazalyq stavka – 20%, biraq bank jáne oiyn biznesi úshin – 25%. Al meditsina men bilim salalarynda bul salyq 2026 jyly 5%, 2027 jyly 10% bolady. Aýyl sharýashylyǵynda bári sol kúii – 3%.
QQS-ty 16%-ǵa kóterý – memleket úshin turaqty tabys kózin qalyptastyrýǵa baǵyttalǵan qadam. Onyń nátijesinde biýdjetke qosymsha qarjy túsip, jol, mektep, aýrýhana sekildi áleýmettik nysandardy damytýǵa múmkindik týady. Sondai-aq bul qadam Ulttyq qorǵa túsetin salmaqty azaityp, munaiǵa táýeldilikti tómendetedi jáne shetelden qaryz alý qajettiligin qysqartady. Áleýmettik mańyzy bar taýarlar men qyzmetterge tómendetilgen nemese nóldik mólsherleme qoldanylyp, halyqtyń álsiz toptaryna qoldaý kórsetiledi.
Degenmen QQS-tyń ósýi keibir taýarlar men qyzmetterdiń qymbattaýyna, ásirese kúndelikti tutynatyn zattardyń baǵasynyń kóterilýine alyp kelýi de múmkin. Bul halyqtyń shyǵynyn arttyryp, shaǵyn jáne orta bizneske de qosymsha salmaq túsiredi. Sondyqtan bul ózgeristerdiń tiimdiligi salyq reformasynyń naqty iske asýyna jáne ádil oryndalýyna bailanysty bolmaq", - dep qosty ol.
