ساياساتتانۋشى ەلدوس جۇماعۇلوۆ قوسىمشا قۇن سالىعىنا بايلانىستى پىكىر ءبىلدىردى، دەپ حابارلايدى Dalanews.kz.
"كومپروميسس – بۇل ەكى تاراپتىڭ دا قالاعانىن تولىق الا الماسا دا، بىرگە العا جىلجۋعا تىرىسۋى.
بۇل وي ۆيسە-پرەمەر جۇمانعارين ۇسىنىپ وتىرعان سالىق رەفورماسىنىڭ لوگيكاسىنا ساي كەلەدى: ققس-ندس (قوسىمشا قۇن سالىعى) مولشەرىن ارتتىرۋ – ءبىر جاعىنان حالىققا جۇكتەمە بولۋى مۇمكىن، ەكىنشى جاعىنان ەلدىڭ تۇراقتى دامۋىنا قاجەتتى قادام. ياعني، بۇل – الەۋمەتتىك ادىلەتتىلىك پەن ەكونوميكالىق تۇراقتىلىق اراسىنداعى كومپروميسس"، - دەدى ول.
ول كەيىنگى ۋاقىتتا جاڭا سالىق كودەكسىنىڭ جوباسى قوعامدا قىزۋ تالقىلانىپ جاتقانىن اتاپ ءوتتى.
"اسىرەسە سالىق مولشەرىن ارتتىرۋ جايلى كوپ اڭگىمە ءجۇرىپ جاتىر. بۇگىن ماجىلىستە سەرىك جۇمانعارين بۇل وزگەرىستەردىڭ ءمانىن تۇسىندىرۋگە تىرىستى.
ءمينيستردىڭ ايتۋىنشا، ققس-تى 16%-عا كوتەرۋ بيۋدجەتكە قوسىمشا 3 ترلن تەڭگە اكەلمەك. بۇل اقشا جول، مەكتەپ، اۋرۋحانا، قاۋىپسىزدىك جانە ينفراقۇرىلىم سياقتى ماڭىزدى سالالارعا جۇمسالادى. ياعني، بۇل قادام حالىقتىڭ ءومىر ساپاسىن جاقسارتۋعا مۇمكىندىك بەرەدى.
سونداي-اق بۇل وزگەرىس ۇلتتىق قورعا تۇسەتىن اۋىرتپالىقتى ازايتادى. ءقازىر ەلىمىز مۇنايدان تۇسەتىن تابىسقا تاۋەلدى. ال ققس ارقىلى بيۋدجەتكە تۇراقتى كىرىس ءتۇسىپ تۇرسا، ەكونوميكا مۇناي باعاسىنىڭ قۇبىلۋىنا ونشا تاۋەلدى بولمايدى. بۇل سىرتتان قارىز الماۋعا دا مۇمكىندىك بەرەدى.
الەۋمەتتىك ادىلەتتىلىك تە ەسكەرىلگەن. ۇكىمەت الەۋمەتتىك ماڭىزدى تاۋارلار مەن قىزمەتتەرگە ققس-تى تومەن نەمەسە مۇلدە 0% دەپ بەلگىلەمەك. مىسالى، اقىلى مەديسيناعا – 10%، ال ازىق-تۇلىك، كىتاپ باسۋ، ارحەولوگيا سياقتى سالالار ققس-تەن بوساتىلادى. نەگىزگى ستاۆكا – 16%، ءبىراق ءار سالاعا قاراي وزگەرىپ وتىرادى.اسىرەسە ققس مولشەرىن ارتتىرۋ ماسەلەسى"، - دەيدى ول.
سونىمەن قاتار ول كورپوراتيۆتىك تابىس سالىعى بويىنشا وزگەرىستى دە ءسوز ەتتى.
"بازالىق ستاۆكا – 20%، ءبىراق بانك جانە ويىن بيزنەسى ءۇشىن – 25%. ال مەديسينا مەن ءبىلىم سالالارىندا بۇل سالىق 2026 جىلى 5%، 2027 جىلى 10% بولادى. اۋىل شارۋاشىلىعىندا ءبارى سول كۇيى – 3%.
ققس-تى 16%-عا كوتەرۋ – مەملەكەت ءۇشىن تۇراقتى تابىس كوزىن قالىپتاستىرۋعا باعىتتالعان قادام. ونىڭ ناتيجەسىندە بيۋدجەتكە قوسىمشا قارجى ءتۇسىپ، جول، مەكتەپ، اۋرۋحانا سەكىلدى الەۋمەتتىك نىسانداردى دامىتۋعا مۇمكىندىك تۋادى. سونداي-اق بۇل قادام ۇلتتىق قورعا تۇسەتىن سالماقتى ازايتىپ، مۇنايعا تاۋەلدىلىكتى تومەندەتەدى جانە شەتەلدەن قارىز الۋ قاجەتتىلىگىن قىسقارتادى. الەۋمەتتىك ماڭىزى بار تاۋارلار مەن قىزمەتتەرگە تومەندەتىلگەن نەمەسە نولدىك مولشەرلەمە قولدانىلىپ، حالىقتىڭ ءالسىز توپتارىنا قولداۋ كورسەتىلەدى.
دەگەنمەن ققس-تىڭ ءوسۋى كەيبىر تاۋارلار مەن قىزمەتتەردىڭ قىمباتتاۋىنا، اسىرەسە كۇندەلىكتى تۇتىناتىن زاتتاردىڭ باعاسىنىڭ كوتەرىلۋىنە الىپ كەلۋى دە مۇمكىن. بۇل حالىقتىڭ شىعىنىن ارتتىرىپ، شاعىن جانە ورتا بيزنەسكە دە قوسىمشا سالماق تۇسىرەدى. سوندىقتان بۇل وزگەرىستەردىڭ تيىمدىلىگى سالىق رەفورماسىنىڭ ناقتى ىسكە اسۋىنا جانە ءادىل ورىندالۋىنا بايلانىستى بولماق"، - دەپ قوستى ول.
