Búginde aýdanda 12 aýyldyq okrýgke qarasty 36 eldi mekenniń 88,9% (100,5 myń adam) ortalyqtandyrylǵan aýyz sý júiesimen qamtamasyz etilgen.
Osy oraida Saýran aýdanynda aýyz sý tapshylyǵyn sheshý maqsatynda 2023 jyly 268 turǵyny bar Oiyq eldi mekenine respýblikalyq biýdjetten qarjy qaralyp, aýyz sýmen qamtý qurylys jumystary júrgizilýde. Nysannyń qurylys jumystary 2024 jyly paidalanýǵa beriledi dep josparlap otyr.
Odan bólek, Eski Iqan eldi mekeniniń turǵyndaryn sapaly aýyz sýmen qamtamasyz etý úshin «Iqansý-Qytai» ken ornynyń jerasty sýlarynan Ø-250 mm magistraldi sý qubyryn tartýǵa bir nysannyń jobalaý-smetalyq qujattary ázirlenip, saraptamanyń oń qorytyndysy alyndy. Nysannyń qurylys jumystaryna qarjy bóldirý úshin 2024 jylǵa Respýblikalyq biýdjetke usynylǵan.
Sondai-aq, jobalaýshy mekememen memorandým arqyly aýdandaǵy S.Qojanov, A.Úsenov, Máshhúr Júsip, Eńbekshi Dihan, Orańǵai, Abai eldi mekenderin aýyz sýmen qamtamasyz jáne qubyrlaryn jańartýǵa jobalaý-smetalyq qujattary ázirlenýde. Budan bólek, oblystyq energetika jáne turǵyn úi-kommýnaldyq sharýashylyq basqarmasy tarapynan jer asty sý qoryna geologiialyq izdeý-barlaý jumystary júrgizilýde.
Aita ketsek, aýdanda 2023 jyly Eski Iqan, Shornaq, Qosmezgil eldi mekenderine jańadan qonystanǵan jáne aýyz sý qubyry júrgizilmegen aýmaqtaryna biýdjetten qarjy qaralyp, jobalaý-smetalyq qujattary ázirlenip, saraptamaǵa joldandy.
