بۇگىندە اۋداندا 12 اۋىلدىق وكرۋگكە قاراستى 36 ەلدى مەكەننىڭ 88،9% (100،5 مىڭ ادام) ورتالىقتاندىرىلعان اۋىز سۋ جۇيەسىمەن قامتاماسىز ەتىلگەن.
وسى ورايدا ساۋران اۋدانىندا اۋىز سۋ تاپشىلىعىن شەشۋ ماقساتىندا 2023 جىلى 268 تۇرعىنى بار ويىق ەلدى مەكەنىنە رەسپۋبليكالىق بيۋدجەتتەن قارجى قارالىپ، اۋىز سۋمەن قامتۋ قۇرىلىس جۇمىستارى جۇرگىزىلۋدە. نىساننىڭ قۇرىلىس جۇمىستارى 2024 جىلى پايدالانۋعا بەرىلەدى دەپ جوسپارلاپ وتىر.
ودان بولەك، ەسكى يقان ەلدى مەكەنىنىڭ تۇرعىندارىن ساپالى اۋىز سۋمەن قامتاماسىز ەتۋ ءۇشىن «يقانسۋ-قىتاي» كەن ورنىنىڭ جەراستى سۋلارىنان Ø-250 مم ماگيسترالدى سۋ قۇبىرىن تارتۋعا ءبىر نىساننىڭ جوبالاۋ-سمەتالىق قۇجاتتارى ازىرلەنىپ، ساراپتامانىڭ وڭ قورىتىندىسى الىندى. نىساننىڭ قۇرىلىس جۇمىستارىنا قارجى ءبولدىرۋ ءۇشىن 2024 جىلعا رەسپۋبليكالىق بيۋدجەتكە ۇسىنىلعان.
سونداي-اق، جوبالاۋشى مەكەمەمەن مەموراندۋم ارقىلى اۋدانداعى س.قوجانوۆ، ا.ۇسەنوۆ، ءماشھۇر ءجۇسىپ، ەڭبەكشى ديحان، وراڭعاي، اباي ەلدى مەكەندەرىن اۋىز سۋمەن قامتاماسىز جانە قۇبىرلارىن جاڭارتۋعا جوبالاۋ-سمەتالىق قۇجاتتارى ازىرلەنۋدە. بۇدان بولەك، وبلىستىق ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسى تاراپىنان جەر استى سۋ قورىنا گەولوگيالىق ىزدەۋ-بارلاۋ جۇمىستارى جۇرگىزىلۋدە.
ايتا كەتسەك، اۋداندا 2023 جىلى ەسكى يقان، شورناق، قوسمەزگىل ەلدى مەكەندەرىنە جاڭادان قونىستانعان جانە اۋىز سۋ قۇبىرى جۇرگىزىلمەگەن اۋماقتارىنا بيۋدجەتتەن قارجى قارالىپ، جوبالاۋ-سمەتالىق قۇجاتتارى ازىرلەنىپ، ساراپتاماعا جولداندى.
