Saýmalkól aýylynda sport kesheni ashyldy
Soltústik Qazaqstan oblysyndaǵy Saýmalkól aýylynda sý jańa sport kesheni halyqtyń paidalanýyna berildi. Buqaralyq sportty damytýǵa baǵyttalǵan nysandy salýǵa «Samruq Qazyna» qory qoldaý kórsetkenin aita ketýimiz kerek, – dep habarlaidy Dalanews.kz SQO ákiminiń baspasóz qyzmetine silteme jasap.
Sport kesheninde eresekter men balalar sporttyń neshe túrimen ainalysyp, densaýlyǵyn nyǵaitýǵa barylyq jaǵdai jasalǵan. Aitalyq, sport zaly boks, kúres, ústel tennisi, basketbol, voleibol jáne kishi fýtbolmen ainalysýǵa keńinen múmkindik beredi.
Aldaǵy ýaqytta sport keshine ishinen túrli sektsiialar uiymdastyrylyp, aýyl jastaryn sportqa baýlý kózdelinip otyr. Osy rette nysandaǵy jańa manej aýdandyq jáne oblystyq deńgeide jarystar uiymdastyrýǵa múmkindik beretinin de aita ketýimiz kerek.
Memleket basshysy Qasym-Jomart Toqaev jergilikti bilik oryndardyń aýyldyq eldimekenderde sporttyq infraqurylymdardyń damytyp, halyqtyń sportpen ainalysýyna múmkindik týǵyzýdy tapsyrǵan bolatyn. Saýmalkól aýylynda Prezidenttiń sol tapsyrmasy iske aasqanyn baiqaýǵa bolady. Búginde óńirde 6 sport kesheni ashylyp, taǵy 4 keshenniń qurylys júrýde. Budan basqa Soltústik Qazaqstan oblysynda 6 hokkei korty ashylǵan. Dál qazir taǵy eki hokkei kortynyń qurylysy qarqyndy júrip jatyr.
