سپورت كەشەنىندە ەرەسەكتەر مەن بالالار سپورتتىڭ نەشە تۇرىمەن اينالىسىپ، دەنساۋلىعىن نىعايتۋعا بارىلىق جاعداي جاسالعان. ايتالىق، سپورت زالى بوكس، كۇرەس، ۇستەل تەننيسى، باسكەتبول، ۆولەيبول جانە كىشى فۋتبولمەن اينالىسۋعا كەڭىنەن مۇمكىندىك بەرەدى.
الداعى ۋاقىتتا سپورت كەشىنە ىشىنەن ءتۇرلى سەكسيالار ۇيىمداستىرىلىپ، اۋىل جاستارىن سپورتقا باۋلۋ كوزدەلىنىپ وتىر. وسى رەتتە نىسانداعى جاڭا مانەج اۋداندىق جانە وبلىستىق دەڭگەيدە جارىستار ۇيىمداستىرۋعا مۇمكىندىك بەرەتىنىن دە ايتا كەتۋىمىز كەرەك.
مەملەكەت باسشىسى قاسىم-جومارت توقايەۆ جەرگىلىكتى بيلىك ورىنداردىڭ اۋىلدىق ەلدىمەكەندەردە سپورتتىق ينفراقۇرىلىمداردىڭ دامىتىپ، حالىقتىڭ سپورتپەن اينالىسۋىنا مۇمكىندىك تۋعىزۋدى تاپسىرعان بولاتىن. ساۋمالكول اۋىلىندا پرەزيدەنتتىڭ سول تاپسىرماسى ىسكە ااسقانىن بايقاۋعا بولادى. بۇگىندە وڭىردە 6 سپورت كەشەنى اشىلىپ، تاعى 4 كەشەننىڭ قۇرىلىس جۇرۋدە. بۇدان باسقا سولتۇستىك قازاقستان وبلىسىندا 6 حوككەي كورتى اشىلعان. ءدال ءقازىر تاعى ەكى حوككەي كورتىنىڭ قۇرىلىسى قارقىندى ءجۇرىپ جاتىر.
