Sáýle Omarova AQSh valiýta basqarmasyna jetekshilik etýden bas tartty
Qazaqstannyń týmasy Sáýle Omarova AQSh Qarjy ministrliginde qarjylyq baqylaý basqarmasynyń basshysy laýazymy qyzmetinen bas tartty, dep habarlaidy Dalanews.kz.
Buǵan deiin AQSh prezidenti Djo Baiden Omarovanyń kandidatýrasyn osy laýazymǵa usynǵan bolatyn. Alaida qazaq qyzynyń kandidatýrasyn maquldaý kezinde qarsylyqqa tap boldy, ol jetkilikti daýys jinai almady.
RIA Novosti málimetinshe, Cenattaǵy tyńdaýlarda respýblikalyq senator Djon Kennedi Omarovanyń kommýnistik júieniń múshesi bolǵanyn betine basty. Óz kezeginde Sáýle Omarova onyń otbasy kommýnizmnen zardap shekkenin alǵa tartty.
AQSh prezidenti Djo Baiden:
"Men Sáýle Omarovanyń valiýtalyq baqylaý basqarmasynyń basshysy laýazymyna kandidatýrasyn qaitaryp alý týraly ótinishin qabyldadym".
Sáýle Omarova 1966 jyly Oral qalasynda dúniege kelgen. MMÝ, Viskonsin ýniversiteti jáne Soltústik-Batys ýniversitetin bitirgen. Kornell ýniversitetiniń banktik quqyq boiynsha professory.
