Kaspii teńizindegi áskeri oqý-jattyǵý kezinde 14 áskeri qyzmetshiniń qaza bolýyna bailanysty qamaýǵa alynǵan Áskeri-teńiz kúshteriniń burynǵy bas qolbasshysy Qanat Niiazbekovtiń otbasy málimdeme jasady, dep habarlaidy dalanews.kz.
Týystary eń aldymen qaza tapqan áskeri qyzmetshilerdiń otbasylaryna kóńil aitty.
"Qanat Serikqaliuly Niiazbekovtiń otbasy atynan sarbazdardyń otbasylaryna qaiǵyryp kóńil aitamyz", – delingen málimdemede.
Otbasy ókilderi Qanat Niiazbekovtiń Áskeri-teńiz kúshteriniń bas qolbasshysy bolǵanyn jáne atalǵan oqý-jattyǵýdyń onyń basshylyǵymen ótkenin rastady.
Alaida olardyń aitýynsha, qaiǵyly oqiǵa bolǵan kúni Niiazbekov qalada bolmaǵan. Ol resmi issaparda bolyp, onyń qyzmettik mindetteri basqa jaýapty tulǵalarǵa júktelgen.
"Asyǵys qorytyndy jasamaý óte mańyzdy. Sol jattyǵýlar kezinde Niiazbekov, qolda bar aqparatqa sáikes, resmi issaparda bolǵan jáne jattyǵýlardan óz bastamasymen qalmaǵan. Bul faktini tergeý barysynda obektivti túrde tekserý qajet", – delingen otbasy málimdemesinde.
Týystary bul jaǵdaidyń da tergeý barysynda jan-jaqty ári obektivti qaralýy qajet ekenin atap ótti.
Sondai-aq otbasy qoǵamdy sot sheshimi shyqqanǵa deiin Qanat Niiazbekovke qatysty túpkilikti qorytyndy jasamaýǵa shaqyrdy.
"Qazirgi ýaqytta biz sot shyǵarǵan úkimdi emes, aiyptaýlardy talqylap jatyrmyz. Sondyqtan, qoǵam bul adamdy sottamas buryn barlyq mán-jailar men dáleldemeler anyqtalǵansha kútkenin qalaimyz", – delingen málimdemede.
Otbasy Qanat Niiazbekovtiń isi ádil ári obektivti qaralyp, qaiǵyly jaǵdaiǵa naqty áreketi nemese sheshimi sebep bolǵan tulǵalardyń jaýapkershiligi anyqtalýy tiis dep sanaidy.
Eske salaiyq, 6 qazanda Áskeri-teńiz kúshteriniń burynǵy bas qolbasshysy Qanat Niiazbekov Kaspii teńizindegi áskeri oqý-jattyǵý kezinde 14 áskeri qyzmetshiniń qaza bolýyna bailanysty qozǵalǵan qylmystyq is aiasynda ustaldy. Keiin sot ony qamaýǵa alýǵa sanktsiia berdi.
