Kýlýarda jýrnalist energetika ministri Almasadam Sátqalievke Jańaózende ereýilge shyqqan jumysshylardyń jaiy jóninde suraq qoiǵan. Jaýapty qazaq tilinde jaýap berýdi ótingen. Ministr jaýap berýden bas tartty, - dep habarlaidy Dalanews.kz Ulysmedia.kz-ke siltep.
– Ministr myrza, jańa otyrysta Jańaózendegi ereýil jaily suraq qoiyldy. Olardyń narazylyqta turǵanyna 10 kúnnen asyp ketti. Mundai ereýil buryn da bolǵan, búgin de bolyp jatyr. Siz sol jumysshylardyń talaptarymen tanyssyz ba? Daýdy nege rettei almai otyrsyzdar? Jumysshylar qazaq tildi bolǵannan keiin qazaq tilinde jaýap berýińizdi ótinemiz, – dep suraldy ministrden.
Sátqaliev QMG basshysynyń jaýabyna alyp-qosary joqtyǵyn aitty.
– Alyp-qosarym joq. QazMunaiGaz basshysy jaýap berdi. Olar jumys júrgizip jatyr. Energetika ministrliginiń quziretine kirgen kezde biz sizge jaýap beremiz, – dedi ol.
Jýrnalist osy kezde “ysyrypsaldy jaýap berip tursyz, qazaqsha jumysshylarǵa naqty jaýap berińizshi” dep qaita suraǵan. Bir emes, birneshe ret suraqty qaitalaýǵa da týra keldi. Alaida ministr “men sizge jaýap berdim, sonymen raqmet” dep túiindedi.
