Eks-prezident Nursultan Nazarbaevtyń nemere inisi Qairat Satybaldyǵa tiesili bolǵan "Baisat" bazary eń joǵary jeńildikpen aýktsionǵa shyǵaryldy, dep habarlaidy Dalanews.kz.
Qaitarylǵan aktivterdi basqarý kompaniiasynyń málimetinshe, bazar "eń joǵary jeńildikpen" saýdaǵa qoiylǵan. Bastapqy baǵasy - 24,77 mlrd teńge. Aýktsion 2026 jyly 5 aqpanda saǵat 12:00-de ótedi.
Kompaniia ókilderi baǵanyń tómendeýi qoldanystaǵy zańnama aiasynda júzege asyrylǵanyn atap ótti. Aita keteiik, bul aktiv buǵan deiin eki ret aýktsionǵa shyǵarylǵan. 2025 jylǵy 18 qarashada bastapqy baǵasy 28,64 mlrd teńge, 2025 jylǵy 26 jeltoqsanda bastapqy baǵasy 26,71 mlrd teńge bolǵan.
Osylaisha, úshinshi aýktsiondaǵy bastapqy baǵa aktivtiń alǵashqy baǵalaýymen salystyrǵanda barynsha tómendetilip, áleýetti investorlar úshin eń tiimdi sharttar usynylyp otyr.
Kompaniia bul saýdany "atalǵan aktivti eń joǵary jeńildikpen satyp alýǵa berilgen biregei múmkindik" dep baǵalady.
Aita keteiik, bul nysan alǵash ret qyrkúiek aiynda 28,6 mlrd teńgeden saýdaǵa shyǵarylǵan. Jeltoqsanda ekinshi ret aýktsion jariialanyp, baǵa 26,7 mlrd teńgege tómendegen edi. Bul joly «Baisattyń» quny taǵy arzandap otyr.
