ەكس-پرەزيدەنت نۇرسۇلتان نازاربايەۆتىڭ نەمەرە ءىنىسى قايرات ساتىبالدىعا تيەسىلى بولعان "بايسات" بازارى ەڭ جوعارى جەڭىلدىكپەن اۋكسيونعا شىعارىلدى، دەپ حابارلايدى Dalanews.kz.
قايتارىلعان اكتيۆتەردى باسقارۋ كومپانياسىنىڭ مالىمەتىنشە، بازار "ەڭ جوعارى جەڭىلدىكپەن" ساۋداعا قويىلعان. باستاپقى باعاسى - 24،77 ملرد تەڭگە. اۋكسيون 2026 جىلى 5 اقپاندا ساعات 12:00-دە وتەدى.
كومپانيا وكىلدەرى باعانىڭ تومەندەۋى قولدانىستاعى زاڭناما اياسىندا جۇزەگە اسىرىلعانىن اتاپ ءوتتى. ايتا كەتەيىك، بۇل اكتيۆ بۇعان دەيىن ەكى رەت اۋكسيونعا شىعارىلعان. 2025 جىلعى 18 قاراشادا باستاپقى باعاسى 28،64 ملرد تەڭگە، 2025 جىلعى 26 جەلتوقساندا باستاپقى باعاسى 26،71 ملرد تەڭگە بولعان.
وسىلايشا، ءۇشىنشى اۋكسيونداعى باستاپقى باعا اكتيۆتىڭ العاشقى باعالاۋىمەن سالىستىرعاندا بارىنشا تومەندەتىلىپ، الەۋەتتى ينۆەستورلار ءۇشىن ەڭ ءتيىمدى شارتتار ۇسىنىلىپ وتىر.
كومپانيا بۇل ساۋدانى "اتالعان اكتيۆتى ەڭ جوعارى جەڭىلدىكپەن ساتىپ الۋعا بەرىلگەن بىرەگەي مۇمكىندىك" دەپ باعالادى.
ايتا كەتەيىك، بۇل نىسان العاش رەت قىركۇيەك ايىندا 28،6 ملرد تەڭگەدەن ساۋداعا شىعارىلعان. جەلتوقساندا ەكىنشى رەت اۋكسيون جاريالانىپ، باعا 26،7 ملرد تەڭگەگە تومەندەگەن ەدى. بۇل جولى «بايساتتىڭ» قۇنى تاعى ارزانداپ وتىر.
