Eń aldymen aýdan basshysy Saryaǵash aýdanyndaǵy Jibek joly aýyldyq okrýgine qarasty Jańaqurylys eldi mekeninde ornalasqan 125 oryndyq «Aisha apa» balabaqshasynyń saltanatty ashylý rásimine qatysty. Balabaqsha qurylysy 2018 jyly bastalyp, 2019 jyldyń qańtar aiynda tapsyrylyp otyr. Nysanǵa tartylǵan jeke investitsiia kólemi 160 mln. teńge. Balabaqshada 23 adam turaqty jumyspen qamtylyp, ortasha 45 myń teńge jalaqy alady.
Keiin Qaplanbek oqý sharýashylyǵynda «Er esimi – el esinde» atty alleia saltanatty túrde ashylyp, UOS jyldary erlik kórsetken jaýyngerlerdiń rýhyna quran baǵyshtaldy. Atalǵan alleia «Rýhani jańǵyrý» baǵdarlamasy aiasynda qaita qalpyna keltirilip otyr.
Osyndai igilikti is atalǵan alleianyń janynan 900 orynǵa arnalǵan №4 Iýrii Gagarin atyndaǵy mekteptiń ashylýymen jalǵasyn tapty. 2017 jyldyń qarasha aiynda bastalǵan qurylys 2018 jyldyń jeltoqsan aiynda aiaqtalǵan.
Budan ózge, aýdanda jergilikti biýdjettiń qarajaty esebinen meditsinalyq tirek paidalanýǵa berildi.
Sondai-aq, aimaqta úsh aýysymdy mekteptiń sany qysqaryp, Tegisshil aýyldyq okrýgindegi №49 M.Jumabaev atyndaǵy mektep jóndeýden ótti. Atalǵan mekteptiń qurylysy 2017 jyldyń tamyz aiynda bastalyp, 2018 jyldyń jeltoqsan aiynda aiaqtalǵan.
Sonymen qatar, Saryaǵash aýdany Jambyl aýyldyq okrýgi Maidabozai, Bekbota, Ashykól, Qalǵansyr, Kópqudyq, Baiǵabyl eldi mekenderinde 10/0,4 kV elektr jelileriniń qurylysy aiaqtalǵan nysandar iske qosyldy. Merdiger mekeme – «IýjEnergoRemont» JShS. Transformatorlar sany - 51 dana. Joba boiynsha 6 eldi mekendegi 613 turǵyn úi sapaly elektr qýatymen qamtamasyz etiledi.
Túrkistan oblysy ákiminiń baspasóz qyzmeti
