ەڭ الدىمەن اۋدان باسشىسى سارىاعاش اۋدانىنداعى جىبەك جولى اۋىلدىق وكرۋگىنە قاراستى جاڭاقۇرىلىس ەلدى مەكەنىندە ورنالاسقان 125 ورىندىق «ايشا اپا» بالاباقشاسىنىڭ سالتاناتتى اشىلۋ راسىمىنە قاتىستى. بالاباقشا قۇرىلىسى 2018 جىلى باستالىپ، 2019 جىلدىڭ قاڭتار ايىندا تاپسىرىلىپ وتىر. نىسانعا تارتىلعان جەكە ينۆەستيسيا كولەمى 160 ملن. تەڭگە. بالاباقشادا 23 ادام تۇراقتى جۇمىسپەن قامتىلىپ، ورتاشا 45 مىڭ تەڭگە جالاقى الادى.
كەيىن قاپلانبەك وقۋ شارۋاشىلىعىندا «ەر ەسىمى – ەل ەسىندە» اتتى اللەيا سالتاناتتى تۇردە اشىلىپ، ۇوس جىلدارى ەرلىك كورسەتكەن جاۋىنگەرلەردىڭ رۋحىنا قۇران باعىشتالدى. اتالعان اللەيا «رۋحاني جاڭعىرۋ» باعدارلاماسى اياسىندا قايتا قالپىنا كەلتىرىلىپ وتىر.
وسىنداي يگىلىكتى ءىس اتالعان اللەيانىڭ جانىنان 900 ورىنعا ارنالعان №4 يۋريي گاگارين اتىنداعى مەكتەپتىڭ اشىلۋىمەن جالعاسىن تاپتى. 2017 جىلدىڭ قاراشا ايىندا باستالعان قۇرىلىس 2018 جىلدىڭ جەلتوقسان ايىندا اياقتالعان.
بۇدان وزگە، اۋداندا جەرگىلىكتى بيۋدجەتتىڭ قاراجاتى ەسەبىنەن مەديسينالىق تىرەك پايدالانۋعا بەرىلدى.
سونداي-اق، ايماقتا ءۇش اۋىسىمدى مەكتەپتىڭ سانى قىسقارىپ، تەگىسشىل اۋىلدىق وكرۋگىندەگى №49 م.جۇمابايەۆ اتىنداعى مەكتەپ جوندەۋدەن ءوتتى. اتالعان مەكتەپتىڭ قۇرىلىسى 2017 جىلدىڭ تامىز ايىندا باستالىپ، 2018 جىلدىڭ جەلتوقسان ايىندا اياقتالعان.
سونىمەن قاتار، سارىاعاش اۋدانى جامبىل اۋىلدىق وكرۋگى مايدابوزاي، بەكبوتا، اششىكول، قالعانسىر، كوپقۇدىق، بايعابىل ەلدى مەكەندەرىندە 10/0،4 كۆ ەلەكتر جەلىلەرىنىڭ قۇرىلىسى اياقتالعان نىساندار ىسكە قوسىلدى. مەردىگەر مەكەمە – «يۋجەنەرگورەمونت» ج ش س. ترانسفورماتورلار سانى - 51 دانا. جوبا بويىنشا 6 ەلدى مەكەندەگى 613 تۇرعىن ءۇي ساپالى ەلەكتر قۋاتىمەن قامتاماسىز ەتىلەدى.
تۇركىستان وبلىسى اكىمىنىڭ باسپا ءسوز قىزمەتى
