Semınarǵa Qazaq Ulttyq agrarlyq ýnıversıtetiniń profesory, aýyl sharýashylyǵy ǵylymdarynyń doktory S.N.Oleıchenko qatysyp, óz tájirıbesimen bólisti.
Semınardyń maqsaty – jańǵaq ónimderin jańa túrlerin oblysymyzda ósirýge jaǵdaı jasaý, baptaý ádisterin halyqqa túsindirý. Qazirgi tańda elimizde jańǵaqtyń 180 túri ósiriledi. Al «Saryaǵash jer sıy» JSHS grek jańǵaǵynyń 11 túri ósirilip, ónimin alýda. «Saryaǵash jer sıy» JSHS baý-baqshasynyń kólemi qazirgi tańda 96 gektar, tamshylatyp sýǵarý boıynsha 75 gektardy qurap otyr. Onda 700 000 túp júzim, 300 000 túp jemis-jıdek aǵashy ósirilýde.
Jańǵaqtyń adam densaýlyǵyna paıdasy zor ekenin S.N.Oleıchenko sharýalarǵa aıtyp jalyqqan emes.
– Jańǵaq búırekti qýattandyryp, ókpeni tazalap, ishekti dymqyldandyrady jáne dene álsizdigine, bel syzdap aýyrǵanda, bas aınalyp, qulaq shyńyldaǵanda da paıdaly. Qazirgideı kún sýyta bastaǵan kezde balalardyń tamaǵy jybyrlap, jóteletini bar. Osyndaıda jańǵaqtan «dári» jasap jiberseńiz jaqsy. Jańǵaq dániniń quramynda 55-77% maı, 18-21% belok, 5-6% kómirsýtegi, V1 vıtamıni men A provıtamıni bar. Odan bólek 1500-1200 mıkrogramm S vıtamıni bolady. Jańǵaqtyń sýyqtaýdan bolatyn keselderdi kelmeske qýatyny osy vıtamınderiniń arqasynda, – deıdi maıtalman ǵalym.
«Dalanews» aqparat
