سارىاعاش اۋدانى، جىبەك جولى اۋىلدىق وكرۋگىندە ورنالاسقان «سارىاعاش جەر سيى» ءجشس-نىڭ اۋماعىندا «گرەك جاڭعاعى پلانتاسيالارداعى جۇرگىزىلەتىن كۇزدىك جۇمىستار» تاقىرىبىنداعى عىلىمي پراكتيكالىق سەمينار ءوتتى.

سەمينارعا قازاق ۇلتتىق اگرارلىق ۋنيۆەرسيتەتىنىڭ پروفەسسورى، اۋىل شارۋاشىلىعى عىلىمدارىنىڭ دوكتورى س.ن.ولەيچەنكو قاتىسىپ، ءوز تاجىريبەسىمەن ءبولىستى.

سەميناردىڭ ماقساتى – جاڭعاق ونىمدەرىن جاڭا تۇرلەرىن وبلىسىمىزدا وسىرۋگە جاعداي جاساۋ، باپتاۋ ادىستەرىن حالىققا ءتۇسىندىرۋ. قازىرگى تاڭدا ەلىمىزدە جاڭعاقتىڭ 180 ءتۇرى وسىرىلەدى. ال «سارىاعاش جەر سيى» ج ش س گرەك جاڭعاعىنىڭ 11 ءتۇرى ءوسىرىلىپ، ءونىمىن الۋدا. «سارىاعاش جەر سيى» ج ش س باۋ-باقشاسىنىڭ كولەمى قازىرگى تاڭدا 96 گەكتار، تامشىلاتىپ سۋعارۋ بويىنشا 75 گەكتاردى قۇراپ وتىر. وندا 700 000 ءتۇپ ءجۇزىم، 300 000 ءتۇپ جەمىس-جيدەك اعاشى وسىرىلۋدە.

جاڭعاقتىڭ ادام دەنساۋلىعىنا پايداسى زور ەكەنىن س.ن.ولەيچەنكو شارۋالارعا ايتىپ جالىققان ەمەس.

–  جاڭعاق بۇيرەكتى قۋاتتاندىرىپ، وكپەنى تازالاپ، ىشەكتى دىمقىلداندىرادى جانە دەنە السىزدىگىنە، بەل سىزداپ اۋىرعاندا، باس اينالىپ، قۇلاق شىڭىلداعاندا دا پايدالى. قازىرگىدەي كۇن سۋىتا باستاعان كەزدە بالالاردىڭ تاماعى جىبىرلاپ، جوتەلەتىنى بار. وسىندايدا جاڭعاقتان «ءدارى» جاساپ جىبەرسەڭىز جاقسى. جاڭعاق ءدانىنىڭ قۇرامىندا 55-77% ماي، 18-21% بەلوك، 5-6% كومىرسۋتەگى، ۆ1 ءۆيتامينى مەن ا ءپروۆيتامينى بار. ودان بولەك 1500-1200 ميكروگرامم س ءۆيتامينى بولادى. جاڭعاقتىڭ سۋىقتاۋدان بولاتىن كەسەلدەردى كەلمەسكە قۋاتىنى وسى ۆيتاميندەرىنىڭ ارقاسىندا، – دەيدى مايتالمان عالىم.

 

«Dalanews» اقپارات