Saryaǵashtyq jastardyń belsendiligi artyp keledi
Saryaǵash aýdany ishki saiasat bóliminiń «Jastar resýrstyq ortalyǵy» kommýnaldyq memlekettik mekemesi Saryaǵash aýdany ákiminiń orynbasarymen bekitilgen 2018 jylǵa arnalǵan is-sharalar josparyna sáikes 12 baǵyt boiynsha jumystar atqarýda.
Jastar memlekettik baǵdarlamalardy nasihattaýdy uiymdastyrý, jastar kásipkerligine qoldaý kórsetý, jastardy jumyspen qamtýdy úilestirý, jastarǵa arnalǵan qoljetimdi turǵyn úi júiesin damytý, salaýatty ómir saltyn qalyptastyrý, jastarǵa psihologiialyq qyzmet kórsetý syndy mańyzdy mindetter jatatynyn aita ketýimiz kerek.
2018 jyldyń birinshi 6 aiynda «Jastar resýrstyq ortalyǵy» KMM-niń uiymdastyrýymen 399 túrli is-sharalar uiymdastyrylyp ótkizildi. Bul 2017 jyldyń jarty jyldyǵymen salystyrǵanda (220) 179 is-sharaǵa artqan.
Osy rette saryaǵashtyq jastardyń uiymdastyrǵan is-sharalaryna toqtalastyn bolsaq, dini ekstremizmniń aldyn alý baǵyty boiynsha – 57 is-shara, patriottyq, aqparattyq-nasihattyq baǵytynynda 18 shara ótken. Al osy is-sharalarǵa aýdan boiynsha 3083 jas qatysyp, belsendilik tanytqanyn aita ketýimiz kerek.
Al mádeni, adamgershilik-rýhani baǵytynda 54 is-shara ótip, 2017 jyldyń 6 ailyq kórsetkishpen salystyrǵanda 29 is-sharaǵa artqanyn baiqaýǵa bolady. Psihologiialyq baǵyttaǵy is-sharalar sany – 58 sharaǵa jetip, ótken jylmen salystyrǵanda 22 sharaǵa ulǵaiǵan.
