1 mamyr merekesinde atalǵan emhananyń jumysshylary uiymdasqan túrde «jedel járdemmen» demalys uiymdastyrǵan. Sonda túsken sýretteri arada eki ai ótkende jýrnalisterdiń qolyna túsip qalypty. Fotolardyń birinde meditsinalyq «Ýaziktiń» mańynda qoi etin borshalap jatqandar estelikke túsken bolsa, ekinshisinde de sol «jedel járdemniń» qasynda jaiylǵan demalys dastarhanyna jaiǵasqan qyzmetkerlerdiń qýanyshty kúileri beinelengen. Alaida olardyń qýanyshtary sý sepkendei basyldy.
Osy aptada buqaralyq aqparat quraldarynda sol Saryaǵash aýdanynda 8 áieldi bir «jedel járdemmen» alyp bara jatqan video paida boldy. Onyń kóbi aiaǵy aýyr, edendegisi kúre tamyr arqyly tamshylatý emin qabyldap jatyr. Video biyl shamamen sáýir aiynda túsirilgen.
– Bizdiń aýdanda aiyna 700-dei bala dúniege keledi. Kún saiyn keminde 15 aiaǵy aýyr áieldi oblystyq perinataldyq aýrýhanaǵa jetkizemiz. Úsh «jedel járdemniń» bireýi jaǵdaiy aýyr úsh áieldi alyp ketti. Ekinshisi Shymkentke insýlt alǵan naýqasty alyp ketti. Úshinshisi aýyr miokard infarktin alǵan adamdy kardioortalyqqa alyp ketken. Sol kúni bizde basqa mashina bolmaǵan soń amalsyz áielderdi solai bir kólikpen jiberýge týra keldi, – dep aqtalǵan eken sol kezde Saryaǵash aýdandyq ortalyq emhanasynyń bas dárigeri Nurjan Aqberdiev.
Al rezerte turǵan «jedel járdemdi» saiahatqa arnaǵan... Biyl Saryaǵash aýdanyna bulardan ózge qosymsha «jedel járdem» kólikteri bólinbegen de.
Derekkózi: rgmedia.kz
