1 مامىر مەرەكەسٸندە اتالعان ەمحانانىڭ جۇمىسشىلارى ۇيىمداسقان تٷردە «جەدەل جەردەممەن» دەمالىس ۇيىمداستىرعان. سوندا تٷسكەن سۋرەتتەرٸ ارادا ەكٸ اي ٶتكەندە جۋرناليستەردٸڭ قولىنا تٷسٸپ قالىپتى. فوتولاردىڭ بٸرٸندە مەديتسينالىق «ۋازيكتٸڭ» ماڭىندا قوي ەتٸن بورشالاپ جاتقاندار ەستەلٸككە تٷسكەن بولسا, ەكٸنشٸسٸندە دە سول «جەدەل جەردەمنٸڭ» قاسىندا جايىلعان دەمالىس داستارحانىنا جايعاسقان قىزمەتكەرلەردٸڭ قۋانىشتى كٷيلەرٸ بەينەلەنگەن. الايدا ولاردىڭ قۋانىشتارى سۋ سەپكەندەي باسىلدى.
وسى اپتادا بۇقارالىق اقپارات قۇرالدارىندا سول سارىاعاش اۋدانىندا 8 ەيەلدٸ بٸر «جەدەل جەردەممەن» الىپ بارا جاتقان ۆيدەو پايدا بولدى. ونىڭ كٶبٸ اياعى اۋىر, ەدەندەگٸسٸ كٷرە تامىر ارقىلى تامشىلاتۋ ەمٸن قابىلداپ جاتىر. ۆيدەو بيىل شامامەن سەۋٸر ايىندا تٷسٸرٸلگەن.
– بٸزدٸڭ اۋداندا ايىنا 700-دەي بالا دٷنيەگە كەلەدٸ. كٷن سايىن كەمٸندە 15 اياعى اۋىر ەيەلدٸ وبلىستىق پەريناتالدىق اۋرۋحاناعا جەتكٸزەمٸز. ٷش «جەدەل جەردەمنٸڭ» بٸرەۋٸ جاعدايى اۋىر ٷش ەيەلدٸ الىپ كەتتٸ. ەكٸنشٸسٸ شىمكەنتكە ينسۋلت العان ناۋقاستى الىپ كەتتٸ. ٷشٸنشٸسٸ اۋىر ميوكارد ينفاركتٸن العان ادامدى كارديوورتالىققا الىپ كەتكەن. سول كٷنٸ بٸزدە باسقا ماشينا بولماعان سوڭ امالسىز ەيەلدەردٸ سولاي بٸر كٶلٸكپەن جٸبەرۋگە تۋرا كەلدٸ, – دەپ اقتالعان ەكەن سول كەزدە سارىاعاش اۋداندىق ورتالىق ەمحاناسىنىڭ باس دەرٸگەرٸ نۇرجان اقبەرديەۆ.
ال رەزەرتە تۇرعان «جەدەل جەردەمدٸ» ساياحاتقا ارناعان... بيىل سارىاعاش اۋدانىنا بۇلاردان ٶزگە قوسىمشا «جەدەل جەردەم» كٶلٸكتەرٸ بٶلٸنبەگەن دە.
دەرەككٶزٸ: rgmedia.kz
