Saryaǵashtaǵy jylyjaida 210 túp analyq limon aǵashy jaiqalyp tur
Onda alma, alqory, alsha, júzim jáne shie siiaqty jemis-jidek túrleri men tropikalyq jáne ekzotikalyq ósimdikterdiń de kóshetteri bar. Tropikalyq jemister jylyjaidyń ishinde ósiriledi.
Munda grek jańǵaǵy, injir, anar daqyly da jersindirilgen. Tuqym baq mamandary endi kivi ósirýdi de qolǵa alypty. Odan bólek, jylyjaida 210 túp analyq limon aǵashy jaiqalyp tur.
Qazir jemisi kózdiń jaýyn alady. Tuqym baq qyzmetkerleriniń aitýynsha, kútimi jaqsy bolsa mundaǵy bir túp limon 20 kg deiin ónim beredi. Jalpy tuqym baqtyń aýmaǵy – 100 jektar. Onyń 2,5 gektarynda jylyjai ornalasqan. Munda 50-ge jýyq adam jyl on eki ai jumys isteidi.
Tanabai Shyntasov, tuqym baq basshysy:
– Kem degende bir kóshet shyǵarý úshin úsh jyl ýaqyt kerek. Oǵan qajetti analyǵyn da 3 jyl ustaý kerek. Sonyń barlyǵyn úsh jyl ustaǵanan keiin baryp, kóshet shyǵarý kerek. Jumys óte aýyr. Isteletin jumystardyń barlyǵy qolmen jasalady. Bul jerde qol jumysy óte kóp.
