وندا الما، القورى، الشا، ءجۇزىم جانە شيە سياقتى جەمىس-جيدەك تۇرلەرى مەن تروپيكالىق جانە ەكزوتيكالىق وسىمدىكتەردىڭ دە كوشەتتەرى بار. تروپيكالىق جەمىستەر جىلىجايدىڭ ىشىندە وسىرىلەدى.
مۇندا گرەك جاڭعاعى، ءىنجىر، انار داقىلى دا جەرسىندىرىلگەن. تۇقىم ب ا ق ماماندارى ەندى كيۆي ءوسىرۋدى دە قولعا الىپتى. ودان بولەك، جىلىجايدا 210 ءتۇپ انالىق ليمون اعاشى جايقالىپ تۇر.
ءقازىر جەمىسى كوزدىڭ جاۋىن الادى. تۇقىم ب ا ق قىزمەتكەرلەرىنىڭ ايتۋىنشا، كۇتىمى جاقسى بولسا مۇنداعى ءبىر ءتۇپ ليمون 20 كگ دەيىن ءونىم بەرەدى. جالپى تۇقىم باقتىڭ اۋماعى – 100 جەكتار. ونىڭ 2،5 گەكتارىندا جىلىجاي ورنالاسقان. مۇندا 50-گە جۋىق ادام جىل ون ەكى اي جۇمىس ىستەيدى.
تاناباي شىنتاسوۆ، تۇقىم ب ا ق باسشىسى:
– كەم دەگەندە ءبىر كوشەت شىعارۋ ءۇشىن ءۇش جىل ۋاقىت كەرەك. وعان قاجەتتى انالىعىن دا 3 جىل ۇستاۋ كەرەك. سونىڭ بارلىعىن ءۇش جىل ۇستاعانان كەيىن بارىپ، كوشەت شىعارۋ كەرەك. جۇمىس وتە اۋىر. ىستەلەتىن جۇمىستاردىڭ بارلىعى قولمەن جاسالادى. بۇل جەردە قول جۇمىسى وتە كوپ.
