Qazaqstanda jeke tulǵalarǵa arnalǵan avtolizing baǵdarlamasy resmi túrde iske qosyldy. Bul kólik satyp alýdyń jańa tásili bolmaq. Mundai tájiribe álemniń kóptegen elinde avtomobil naryǵynda burynnan qoldanylady, dep habarlaidy dalanews.kz.
Kádimgi avtokreditten aiyrmashylyǵy, lizing kólikti paidalanýda kóbirek múmkindik beredi. Kelisimshart merzimi aiaqtalǵan soń klient kólikti óz menshigine satyp ala alady, basqa modeldi tańdap, jańa kelisimshart jasaidy nemese kólikti lizing kompaniiasyna qaitarady. Mundai tásil ásirese kóligin únemi jańartyp otyrýdy qalaityn, biraq eski kóligin satýmen ainalysqysy kelmeitin adamdarǵa tiimdi.
Lizingtiń basty artyqshylyqtarynyń biri – kelisimshart sońynda tólenetin qaldyq tólem. Bul jaǵdaida kólik qunynyń bir bóligi kelisimsharttyń sońyna qaldyrylyp, ai saiynǵy tólemderge qosylmaidy. Sonyń arqasynda kelisimshart merzimi ishinde tólenetin ai saiynǵy soma azaiady. Eger klient jańa kelisimshart jasasa, qaldyq tólemdi basqa kólikke bastapqy jarna retinde paidalanýǵa bolady.
Mundai tásil Eýropa naryǵynda burynnan qalyptasqan tájiribege ainalǵan. Korporativtik kólik pen lizing segmentinde suranysqa ie brendterdiń biri – Škoda. Bul markanyń kólikterin avtoparkti eń aldymen jumys quraly retinde qarastyratyn kompaniialar tańdaidy. Óitkeni kóliktiń bir kún turyp qalýynyń ózi qosymsha shyǵynǵa ákeledi, al ony paidalanýǵa ketetin shyǵynnyń aldyn ala eseptelýi biznestiń tiimdiligine tikelei áser etedi.
Qazaqstan naryǵynda Škoda markasy otandyq Allur avtomobil kompaniiasynyń portfelinde usynylǵan. Modelder Qostanai qalasyndaǵy attas zaýytta shyǵarylady.
2023 jylǵy statistikaǵa sáikes, Škoda Superb modeliniń satylymynyń 90%-y, Octavia modeliniń jalpy satylymynyń 87%-y jáne Kodiaq modeliniń 75%-y korporativtik avtopark pen kompaniialarǵa arnalǵan fleet baǵyty arqyly júzege asqan.
2024 jyly Škoda álem boiynsha 926 567 avtokólik satty. Eýropalyq odaq elderindegi korporativtik avtoparkterge naryq úlesiniń 8,2%-y tiesili boldy.
2025 jyl kompaniia úshin budan da tabysty boldy. Eýropada satylǵan Škoda kólikteriniń jalpy sanynyń 66%-yn korporativtik klientter satyp alǵan. Škoda eýropalyq korporativtik kólik naryǵynda 8,9% úlespen ekinshi orynǵa shyqty.
Eýropada uzaq jyldan beri suranysqa ie Škoda Octavia Eýropalyq odaqtyń 21 elinde óz klasyndaǵy eń kóp satylatyn kólikter tiziminde turaqty túrde kósh bastap keledi. Sondai-aq ol «True Fleets» segmentinde tirkelgen kólikter sany boiynsha da aldyńǵy orynda. Škoda kólikterin korporativtik avtoparkterinde paidalanatyn kompaniialardyń qatarynda Nestle, Siemens jáne basqa da uiymdar bar.
Sońǵy onjyldyqtaǵy Škoda brendiniń damýyna kóz júgirtsek, kompaniia korporativtik jáne fleet segmentindegi ornyn birtindep nyǵaitqanyn kórýge bolady. Osy ýaqyt ishinde Škoda dástúrli qyzmettik kólikter naryǵynda, ásirese Octavia men Superb modelderi arqyly tanylǵan óndirýshiden Eýropadaǵy jetekshi korporativtik kólik brendteriniń birine ainaldy. Buǵan negizgi modelderdi korporativtik klientterdiń kóptep tańdaýy, sondai-aq Kodiaq jáne basqa da jol talǵamaityn kólikter esebinen modelder qataryn keńeitý yqpal etti.
Halyqaralyq naryqtaǵy uzaq merzimdi yntymaqtastyqtyń jarqyn mysaldarynyń biri – Coca-Cola kompaniiasy. Škoda men Coca-Cola 30 jyldan astam ýaqyt boiy seriktes bolyp keledi. Eýropalyq brendtiń kólikteri kompaniianyń Chehiia, Slovakiia, Polsha, Shveitsariia jáne Norvegiiany qosa alǵanda, Eýropanyń shamamen 30 elindegi korporativtik avtoparkterinde paidalanylady. Coca-Cola 1990-jyldardan beri Škoda markasynyń myńdaǵan kóligin qoldanǵan.
Coca-Cola kompaniiasynyń avtoparkti basqarý jónindegi menedjeri Martin Pridala osy markanyń tańdalý sebebin túsindirdi:
«Degenmen Coca-Cola HBC kompaniiasynyń Škoda kólikterin tańdaýy olardyń senimdiligimen ǵana bailanysty emes. Qaýipsizdik pen ekologiialyq talaptarǵa sáikestik te mańyzdy ról atqarady. Kompaniia qaýipsizdikti qamtamasyz etetin kóptegen jabdyqtary bar kólikterdi satyp alady.
«Bizdiń avtoparktegi barlyq model soqyr aimaqtardy baqylaý júiesi, jolaqta júrýge kómektesetin júie, krýiz-baqylaý, júrgizýshiniń sharshaǵanyn anyqtaityn datchik, faralardy qosýǵa kómektesetin júie jáne basqa da qaýipsizdik fýnktsiialarymen jabdyqtalǵan. Osynyń arqasynda jol-kólik oqiǵalarynyń sanyn edáýir azaittyq. 2013 jyly mundai oqiǵalar shamamen 70 bolsa, qazir olardyń sany on ese azaidy. Sondai-aq qyzmetkerlerimizdiń eshqaisysy aýyr jaraqat almaǵanyn qýana habarlaimyz».
Lizing is júzinde kóliktiń sapasyn, uzaqqa jaramdylyǵyn, jóndeýge qolailylyǵyn jáne eń bastysy, ekinshi naryqtaǵy ótimdiligin baǵalaýǵa múmkindik beredi. Kelisimshart merzimi aiaqtalǵan soń qaitarylǵan kólik lizing kompaniiasynyń aktivi bolyp qala beredi. Sondyqtan kompaniia ony qunyn barynsha az joǵaltyp, qysqa merzimde qaita satýǵa múddeli. Osy sebepti kóliktiń qaldyq qunynyń joǵary bolýy jáne ekinshi naryqta oǵan turaqty suranystyń saqtalýy lizing baǵdarlamasyna arnalǵan modeldi tańdaýdaǵy negizgi ólshemderdiń birine ainalady.
Sondyqtan halyqaralyq kompaniialar korporativtik avtoparkterge arnalǵan brendterdi tańdaǵanda óz reitingteri men talaptaryn qalyptastyrady. Olar kóliktiń jalpy ielený qunyn, senimdiligin, ekinshi naryqtaǵy ótimdiligin jáne qyzmet kórsetý shyǵyndaryn keshendi túrde baǵalaidy. Škoda mundai reitingterde aldyńǵy oryndardan kórinedi. Bul brend kólikteriniń avtopark tiimdiligi qarjylyq nátijege tikelei áser etetin kompaniialar arasynda suranysqa ie ekenin kórsetedi.
Bul tájiribe Qazaqstanda da birtindep damyp keledi. Qazirdiń ózinde Škoda kólikteri Pfizer, Red Bull, DHL jáne basqa da halyqaralyq kompaniialardyń korporativtik avtoparkterinde paidalanylyp júr.
Eýropalyq brendtiń kólikteri Qazaqstan halqynyń qaýipsizdigi men turmys-tirshiligin qamtamasyz etýge qatysy bar memlekettik qyzmetterdiń avtoparkterinde de belsendi qoldanyla bastady.
«Qazirgi baǵa básekesi kúsheiip, naryqta usynys kóbeigen kezeńde eń bastysy – sapanyń artynda tynymsyz eńbek, qomaqty investitsiia, jyldar boiǵy zertteý men ónimdi jetildirý jumystary turǵanyn umytpaý. Baǵa men sapanyń arasyndaǵy tepe-teńdikti tabý – biznes úshin de, qarapaiym tutynýshy úshin de ekonomikalyq saýattylyq pen qaýipsizdiktiń negizi.
Škoda kólikterin álemdegi iri halyqaralyq korporatsiialar men memlekettik qyzmetterdiń, taksi jáne kólikti ortaq paidalaný qyzmetteriniń tańdaýy beker emes. Óitkeni mundai salalarda senimdilik, jóndeýge qolailylyq, kólikti uzaq ýaqyt paidalaný múmkindigi jáne eń bastysy, úzdiksiz qozǵalys – kásiporynnyń jumys isteýi úshin sheshýshi faktorlar. Basqasha aitqanda, munda ýaqyt shynymen aqshaǵa teń, al keide sol ýaqyttyń quny adam ómirimen ólshenedi.
Buǵan deiin tek zańdy tulǵalarǵa qoljetimdi bolǵan kólik satyp alý quraly endi azamattarymyzǵa da usynylyp otyr. Biz Qazaqstandaǵy qazirgi jáne bolashaq kólik ielerine Škoda avtokólikterin lizing arqyly satyp alýdyń qosymsha balamasy men yńǵaily qyzmetin usynýǵa qýanyshtymyz. Klienttiń árdaiym tańdaýy bolýy kerek. Tańdaý múmkindigi – kez kelgen tabysty biznes pen jobanyń basty qaǵidalarynyń biri», – dedi Qazaqstandaǵy Škoda distribýtsiiasynyń basshysy Andrei Tananykin baǵdarlamanyń iske qosylýyna qatysty pikir bildirip.
Brendtiń senimdiligi, únemdiligi jáne kóliktiń qaldyq qunynyń joǵary bolýy Škoda markasyn korporativtik klientter úshin ǵana emes, jeke tulǵalarǵa arnalǵan lizing baǵdarlamalary úshin de tiimdi tańdaý etedi.
Buǵan deiin lizing kóbine korporativtik avtoparktermen jáne iri biznespen bailanysty bolsa, bul quraldyń damýy jaǵdaidy birtindep ózgertip keledi. Endi kólikti lizingke alý múmkindigi jeke tulǵalarǵa da qoljetimdi. Bul qarapaiym tutynýshylardyń tańdaýyn keńeitedi. Kólikti birden tolyq qunyn tólep satyp alýǵa nemese dástúrli avtokredit rásimdeýge balama retinde jańa qarjylandyrý quraly usynylady. Onyń kómegimen jańa kólikti kepil men kepilgerge qoiylatyn talaptarǵa, sondai-aq banktik kredittiń qatań tólem kestesine táýeldi bolmai, ikemdi sharttarmen paidalanýǵa bolady.
Lizingti jalǵastyrý tiimsiz bolǵan jaǵdaida, kólikti merziminen buryn qaitaryp, kelisimshartty toqtatý múmkindigi de qarastyrylǵan. Bul ásirese óz qajettiligin eskerip, tiimdi sheshim qabyldaǵysy keletin adamdarǵa qolaily.
Buǵan túrli jaǵdai sebep bolýy múmkin: otbasyǵa jańa kólik alynýy, kóliktiń ólshemine nemese túrine degen qajettiliktiń ózgerýi, qazirgi kóliktiń ómir saltyna sai kelmeýi jáne taǵy basqa.
Mundai jaǵdaida mynadai túsinikti rásim qoldanylady:
Kelisimshartty merziminen buryn toqtatý týraly ótinish berý;
Kelisimshartty merziminen buryn toqtatý sharttaryn esepteý;
Kólikti tekserý jáne baǵalaý;
Kólikti qaitarý aktisin rásimdeý;
Kólikti lizing berýshige tapsyrý;
Qorytyndy qarjylyq esep aiyrysý;
Kelisimshartty jabý.
Eýropalyq brendtiń kólikterin jeke tulǵalar bastapqy jarnasy 20%-dan bastalatyn sharttarmen lizingke ala alady. Qarjylandyrý somasy 1 million teńgeden bastalady, al kelisimsharttyń eń qysqa merzimi – 37 ai. Lizing baǵdarlamasy boiynsha satyp alynatyn kóliktiń naqty baǵasyn dilerlik ortalyqtaǵy qarjy keńesshilerinen bilý qajet.
Lizingke ótinimdi Škoda dilerlik ortalyqtarynda Allur Finance arqyly nemese Nomad Leasing Solutions lizing kompaniiasynyń saitynda berýge bolady.
Sondai-aq Škoda-nyń resmi distribiýtory brendtiń barlyq modelderine arnalǵan qoldanystaǵy qarjylyq usynystar týraly eske salady.
«Adal eýropalyq» («Chestnyi Evropeets») baǵdarlamasy aiasynda myna modelder usynylady: Kodiaq kóliginiń baǵasy 17 990 000 teńgeden bastalady. Sońǵy býyndaǵy Octavia modeliniń 1.4 TSI qozǵaltqyshy bar Selection jáne SportLine jinaqtamalary 16 490 000 teńgeden satylady. Al Škoda Superb flagmandyq liftbegin 3 000 000 teńge jeńildikpen satyp alýǵa bolady.
Sondai-aq 2.0 TSI qozǵaltqyshy bar Octavia jáne qalada júrýge arnalǵan yqsham krossover Škoda Karoq «Eýropadaǵydai paiyz» («Protsent kak v Evrope») baǵdarlamasy boiynsha tiimdi sharttarmen usynylady. Bastapqy jarna 40% bolǵan jaǵdaida, úsh jylǵa jyldyq 0,1% mólsherlememen rásimdeýge bolady.
Qazaqstan aýmaǵyndaǵy resmi dilerlerden satyp alynǵan barlyq kólikke júris qashyqtyǵyna shekteý qoiylmaityn eki jyldyq kepildik beriledi. Úshinshi jyldaǵy kepildik 100 000 shaqyrym júriske deiin qoldanylady.
Jeke tulǵalarǵa arnalǵan lizingtiń engizilýi Qazaqstannyń avtomobil naryǵyn damytýdaǵy jańa kezeńge ainalýy múmkin. Satyp alýshylar úshin bul qarjylyq múmkindikterdiń keńeiýin jáne zamanaýi kólikterdi ikemdi sharttarmen paidalaný múmkindigin bildiredi. Al óndirýshiler úshin kólikti uzaq merzim paidalanýdyń tiimdiligine jáne ónim sapasyna basymdyq beretin usynystardy damytýǵa qosymsha serpin beredi.
