Saltanatty jiynǵa aýdan ákimi Q.Abdýaliev, aýdannyń ishki saiasat bóliminiń basshysy A.Qozybaev, Kókterek kentiniń ákimi Ý.Turjanova, kásipker M.Qoshqarov jáne kent turǵyndary qatysty.
«Elbasynyń sarabdal saiasatynyń nátijesinde elimizde osyndai áleýmettik nysandar kóptep boi kóterýde. Sonyń biri búgin paidalanýǵa berilip otyrǵan sporttyq saýyqtyrý kesheni. Óskeleń urpaqtyń deni saý, zaman talabyna sai qabiletti bolyp ósýine memleket tarapynan barlyq múmkindikter jasalýda. Endigi kezekte Kókterek kentiniń jas jetkinshekteri osy keshende jattyǵyp, el abyroiyn asqaqtady degen senimdemiz – dedi Q.Abdýaliev
Nurlan Syzdyqov atyndaǵy dene shynyqtyrý – saýyqtyrý kesheni «Aýylym altyn besigim», «Rýhani jańǵyrý» baǵdarlamalary aiasynda Kókterek kenti turǵyndaryna Qoshqarovtar otbasynyń syiy.
Joba – kásipker, ári óner qoldaýshy Nurlan Ertaiulynyń (16.08.1964 -16.02.1999j.) qurmetine atalǵan. Atalǵan keshen zamanaýi kishi fýtbol alańy men júgirý joly, ámbebap kóshe trenajerlary, tennis ústeli, 2 ámbebap kiim aýystyratyn bólme, sport jabdyqtaryn saqtaýǵa arnalǵan bólme, 2 mineraldy sýy bar sýburqaq jáne de polimerli edenge ornatylǵan oryndyqtar, túńgi ýaqytta jaryqtandyrýy men qazirgi zamanǵy beriktigi joǵary tentpen tartylǵan shatyrmen jabdyqtalǵan. Keshenge kúndelikti (dúisenbiden basqa) kelip sportpen shuǵyldanýǵa bolady.
