سارىاعاش اۋدانىنداعى كوكتەرەك كەنتىندە زاماناۋي ۇلگىدەگى «اسىلحاۋس — سپورت» — نۇرلان سىزدىقوۆ اتىنداعى دەنە شىنىقتىرۋ-ساۋىقتىرۋ كەشەنىنىڭ اشىلۋ سالتاناتى ءوتتى.

سالتاناتتى جيىنعا اۋدان اكىمى ق.ابدۋالييەۆ، اۋداننىڭ ىشكى ساياسات ءبولىمىنىڭ باسشىسى ا.قوزىبايەۆ، كوكتەرەك كەنتىنىڭ اكىمى ۋ.تۇرجانوۆا، كاسىپكەر م.قوشقاروۆ جانە كەنت تۇرعىندارى قاتىستى.

«ەلباسىنىڭ سارابدال ساياساتىنىڭ ناتيجەسىندە ەلىمىزدە وسىنداي الەۋمەتتىك نىساندار كوپتەپ بوي كوتەرۋدە. سونىڭ ءبىرى بۇگىن پايدالانۋعا بەرىلىپ وتىرعان سپورتتىق ساۋىقتىرۋ كەشەنى. وسكەلەڭ ۇرپاقتىڭ دەنى ساۋ، زامان تالابىنا ساي قابىلەتتى بولىپ وسۋىنە مەملەكەت تاراپىنان بارلىق مۇمكىندىكتەر جاسالۋدا. ەندىگى كەزەكتە كوكتەرەك كەنتىنىڭ جاس جەتكىنشەكتەرى وسى كەشەندە جاتتىعىپ، ەل ابىرويىن اسقاقتادى دەگەن سەنىمدەمىز – دەدى ق.ابدۋالييەۆ

نۇرلان سىزدىقوۆ اتىنداعى دەنە شىنىقتىرۋ – ساۋىقتىرۋ كەشەنى «اۋىلىم التىن بەسىگىم»، «رۋحاني جاڭعىرۋ» باعدارلامالارى اياسىندا كوكتەرەك كەنتى تۇرعىندارىنا قوشقاروۆتار وتباسىنىڭ سىيى.

جوبا – كاسىپكەر، ءارى ونەر قولداۋشى نۇرلان ەرتاي ۇلىنىڭ (16.08.1964 -16.02.1999ج.) قۇرمەتىنە اتالعان. اتالعان كەشەن زاماناۋي كىشى فۋتبول الاڭى مەن جۇگىرۋ جولى، امبەباپ كوشە ترەناجەرلارى، تەننيس ۇستەلى، 2 امبەباپ كيىم اۋىستىراتىن بولمە، سپورت جابدىقتارىن ساقتاۋعا ارنالعان بولمە، 2 مينەرالدى سۋى بار سۋبۇرقاق جانە دە پوليمەرلى ەدەنگە ورناتىلعان ورىندىقتار، تۇڭگى ۋاقىتتا جارىقتاندىرۋى مەن قازىرگى زامانعى بەرىكتىگى جوعارى تەنتپەن تارتىلعان شاتىرمەن جابدىقتالعان. كەشەنگە كۇندەلىكتى (دۇيسەنبىدەن باسقا) كەلىپ سپورتپەن شۇعىلدانۋعا بولادى.