Sport kesheniniń ashylýyna aýdan ákimi Q.Abdýaliev, oblystyq máslihattyń depýtaty A.Salimov, oblystyq dene shynyqtyrý jáne sport basqarmasy basshysynyń mindetin ýaqytsha atqarýshy A.Berdashov, aýdannyń ziialy qaýym ókilderi, ardager sportshylar men jalpy jurtshylyq qatysty. Jergilikti halyq igi bastama — salaýatty ómir saltyn ustanýshylardyń qataryn kóbeitýge oń serpin beretindigine senim bildirdi.
Memleket basshysynyń buqaralyq sportty damytý baǵytynda bergen tapsyrmasy Saryaǵash aýdanynda tiianaqty oryndalýda. Saryaǵash qalasynda buryn-sońdy sport kesheni bolmaǵan. Endi mine, kóptiń tilegi qabyl boldy. Jańa nysannan sport sańlaqtary tárbielenip shyǵady degen senim de bar.
Jinalǵan qalyń jurt ta keleshekte qazaq sportyn álemge áigili etetin tulǵalardyń dál osy jerden túlep ushatynyna úmitti. Bul oraida, turǵyndar el úshin eńbek etken jomart azamattarǵa alǵystaryn jetkizdi. Endi sportshylar sporttyń jeti túrimen bos ýaqyttarynda shuǵyldana alady. Atap aitqanda fýtbol, boks, dziýdo, shahmat, kúres, júzý. Sondai-aq, aýyr atletikamen ainalysýǵa da múmkindikteri bar.
Zamanaýi úlgide jabdyqtalǵan qos qabatty sport kesheni kópshiliktiń kóńilinen shyqty.
