سپورت كەشەنىنىڭ اشىلۋىنا اۋدان اكىمى ق.ابدۋالييەۆ، وبلىستىق ءماسليحاتتىڭ دەپۋتاتى ا.ساليموۆ، وبلىستىق دەنە شىنىقتىرۋ جانە سپورت باسقارماسى باسشىسىنىڭ مىندەتىن ۋاقىتشا اتقارۋشى ا.بەرداشوۆ، اۋداننىڭ زيالى قاۋىم وكىلدەرى، ارداگەر سپورتشىلار مەن جالپى جۇرتشىلىق قاتىستى. جەرگىلىكتى حالىق يگى باستاما — سالاۋاتتى ءومىر سالتىن ۇستانۋشىلاردىڭ قاتارىن كوبەيتۋگە وڭ سەرپىن بەرەتىندىگىنە سەنىم ءبىلدىردى.
مەملەكەت باسشىسىنىڭ بۇقارالىق سپورتتى دامىتۋ باعىتىندا بەرگەن تاپسىرماسى سارىاعاش اۋدانىندا تياناقتى ورىندالۋدا. سارىاعاش قالاسىندا بۇرىن-سوڭدى سپورت كەشەنى بولماعان. ەندى مىنە، كوپتىڭ تىلەگى قابىل بولدى. جاڭا نىساننان سپورت ساڭلاقتارى تاربيەلەنىپ شىعادى دەگەن سەنىم دە بار.
جينالعان قالىڭ جۇرت تا كەلەشەكتە قازاق سپورتىن الەمگە ايگىلى ەتەتىن تۇلعالاردىڭ ءدال وسى جەردەن تۇلەپ ۇشاتىنىنا ءۇمىتتى. بۇل ورايدا، تۇرعىندار ەل ءۇشىن ەڭبەك ەتكەن جومارت ازاماتتارعا العىستارىن جەتكىزدى. ەندى سپورتشىلار سپورتتىڭ جەتى تۇرىمەن بوس ۋاقىتتارىندا شۇعىلدانا الادى. اتاپ ايتقاندا فۋتبول، بوكس، دزيۋدو، شاحمات، كۇرەس، ءجۇزۋ. سونداي-اق، اۋىر اتلەتيكامەن اينالىسۋعا دا مۇمكىندىكتەرى بار.
زاماناۋي ۇلگىدە جابدىقتالعان قوس قاباتتى سپورت كەشەنى كوپشىلىكتىڭ كوڭىلىنەن شىقتى.
