Saryaǵashta «Smart city — Aqyldy qala» jobasy ázirlenýde
Jiynǵa «Túrkistan» ÁKK» AQ filialy «Túrkistan oblysynyń Tsifrlandyrý ortalyǵynyń» direktory A.Jangýlov, direktordyń orynbasary S.Sembiev, atalǵan ortalyqtyń bas menedjeri A.Súleimenov jáne Saryaǵash qalasynyń ákimi S.Súleimenova, aýdannyń bólim basshylary men mamandary qatysty.
Atalǵan jiynnyń maqsaty Qazaqstan Respýblikasynyń Prezidenti N.Á.Nazarbaevtyń «Tsifrlyq Qazaqstan» Memlekettik baǵdarlamasy aiasynda Saryaǵash qalasynda «Smart city — Aqyldy qala» atty jańa keshendi joba jasaqtalýda.
Munyń basty maqsaty — turǵyndar ómiriniń qaýipsizdigin qamtamasyz etý, sonymen qatar qoǵamdyq tártip pen jol erejelerin saqtaý, qorshaǵan ortany qorǵaý.
Aita ketelik, osynyń aldynda «Túrkistan» ÁKK» AQ-nyń «Tsifrlandyrý ortalyǵy» filialy men Saryaǵash aýdany ákimdigi arasynda yntymaqtastyq jóninde memorandým qol qoiylǵan edi.
«Túrkistan oblysyndaǵy tsifrlandyrý ortalyǵynyń» direktory Asylbek Jangýlov, mundai qujattar tyń jobalardy júzege asyrýda jańa múmkindikter beretinin aitqan.
"Oblysta sandyq formatqa kóshý boiynsha qarqyndy jumystar júrgizilip jatyr. Máselen, qazirgi kúni densaýlyq saqtaý, bilim berý, qaýipsizdik, transport jáne turǵyn úi-kommýnaldy sharýashylyǵy siiaqty bes salada 27 joba júzege asyrylyp jatyr. Bizdiń filialdyń bir ai buryn ashylǵanyna bailanysty, ázirge, atalǵan qujattardy túzýge kelisim bergen alǵashqy aýdan Saryaǵash bolyp otyr. Aldaǵy ýaqytta mundai kelisimder Túrkistandaǵy barlyq aýdan, qalalardyń ákimdigimen jasalyp, jumystardy birlese atqaramyz dep oilaimyn", - degen edi Asylbek Jangýlov.
