Respýblika kúni merekesi qarsańynda Saryaǵash aýdanynda áýesqoilar arasynda velosherý ótti. Sharaǵa Qazaqstan jáne Ózbekstan memleketiniń 200 velosherýshisi qatysty. Onyń ishinde kásipqoi sportshylarymen birge qarapaiym áýesqoilar da bar, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Velosherý Shymkent qalasynan bastaý alyp, «Jibek joly» keden beketiniń mańynda márege jetti. Jalpy velosherýshiler 120 shaqyrym joldy velosipedpen júrip ótti. Sportshylardyń qaýipsizdigin qamtamasyz etý jáne saqtyq sharalaryn aldyn alý maqsatynda jol boiy meditsina jáne politsiia qyzmetkerleri súiemeldedi.
Salaýatty ómir saltyn nasihattaǵan shara «Atameken» kásipkerler palatasy jáne QR Velosiped federatsiiasynyń bastaýymen jylda dástúrli túrde ótýde. Velosherýshilerdi aýdan ákimi Arman Abdýllaev arnaiy kútip alyp, alda kele jatqan merekemen quttyqtady. Sonymen qatar Qazaqstannyń velosiped sporty federatsiiasynyń Prezidenti Raimbek Batalov, «Atameken» QR UKP Basqarýshy direktory Muratbek Mahanov qatysty.
Atalǵan sharanyń sońynda velosherýshilerge medaldar tabystalyp, aq dastarqan jaiyldy.
