رەسپۋبليكا كۇنى مەرەكەسى قارساڭىندا سارىاعاش اۋدانىندا اۋەسقويلار اراسىندا ۆەلوشەرۋ ءوتتى. شاراعا قازاقستان جانە وزبەكستان مەملەكەتىنىڭ 200 ۆەلوشەرۋشىسى قاتىستى. ونىڭ ىشىندە كاسىپقوي سپورتشىلارىمەن بىرگە قاراپايىم اۋەسقويلار دا بار، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

ۆەلوشەرۋ شىمكەنت قالاسىنان باستاۋ الىپ، «جىبەك جولى» كەدەن بەكەتىنىڭ ماڭىندا مارەگە جەتتى. جالپى ۆەلوشەرۋشىلەر 120 شاقىرىم جولدى ۆەلوسيپەدپەن ءجۇرىپ ءوتتى. سپورتشىلاردىڭ قاۋىپسىزدىگىن قامتاماسىز ەتۋ  جانە ساقتىق شارالارىن الدىن الۋ ماقساتىندا جول بويى مەديسينا جانە پوليسيا قىزمەتكەرلەرى سۇيەمەلدەدى.

سالاۋاتتى ءومىر سالتىن ناسيحاتتاعان شارا  «اتامەكەن»  كاسىپكەرلەر پالاتاسى جانە ق ر ۆەلوسيپەد فەدەراسياسىنىڭ باستاۋىمەن جىلدا ءداستۇرلى تۇردە وتۋدە. ۆەلوشەرۋشىلەردى  اۋدان اكىمى ارمان ابدۋللايەۆ ارنايى كۇتىپ الىپ، الدا كەلە جاتقان مەرەكەمەن قۇتتىقتادى. سونىمەن قاتار قازاقستاننىڭ ۆەلوسيپەد سپورتى فەدەراسياسىنىڭ پرەزيدەنتى رايمبەك باتالوۆ، «اتامەكەن» ق ر ۇكپ باسقارۋشى ديرەكتورى مۇراتبەك ماحانوۆ قاتىستى.

ۆەلوشەرۋدىڭ باستى ماقساتى – قازاقستان جانە وزبەكستان رەسپۋبليكاسى اراسىنداعى دوستىق قارىم-قاتىناستاردى دامىتۋ، نىعايتۋ جانە تۇرعىندار اراسىندا سالاۋاتتى ءومىر ءسۇرۋ سالتىن ناسيحاتتاۋ.

اتالعان شارانىڭ سوڭىندا ۆەلوشەرۋشىلەرگە مەدالدار تابىستالىپ، اق داستارقان جايىلدى.