Túrkistan oblysynyń Saryaǵash qalasynda UQK Shekara qyzmetiniń Saryaǵash aýdany boiynsha shekara basqarmasynyń 25-jyldyq merekesine arnalǵan saltanatty is-shara ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Saryaǵash aýdany boiynsha shekara basqarmasynyń saptyq alańynda ótken is-sharaǵa UQK Shekara qyzmeti direktorynyń orynbasary polkovnik Serik Rahimov, UQK Shekara qyzmetiniń Túrkistan oblysy boiynsha departamentiniń bastyǵy polkovnik Madiiar Jumadilov qatysty.
Onyń ishinde Saryaǵash shekara otriadynyń burynǵy komandirleri polkovnikter Abai Brekeshov, Sapar Baimenovter men UQK Shekara qyzmetiniń zeinetkerleri boldy.
Boilarynda patriottyq rýhtary bar óskeleń urpaq barda batyrlarymyzdyń aty óshpeitini anyq. Otan úshin otqa túsýge árqashanda daiyn turatyn shekarashylardyń patriotty, otansúigishtiń rýhy jastarǵa úlgi bolary sózsiz.
Budan soń Saryaǵash aýdany boiynsha shekara basqarmasynyń 25-jyldyǵyna arnalǵan shaǵyn kontsert qoiylyp, kelgen qonaqtar shekara basqarmasynyń tynys-tirshiligi, zamanaýi úlgidegi qarý-jaraq, kiim-úlgileri usynylǵan kórmemen tanysty.
Saryaǵash aýdany boiynsha shekara basqarmasynyń tarihynda 1999 jyldyń 15-qyrkúiegi airyqsha kún bolyp esepteledi. Osy kúni shekara basqarmasynda mmlekettik shekarany qorǵaýǵa arnalǵan alǵashqy saltanatty miting ótkizilgen bolatyn.
