Saryaǵashta bir jylda 662 azamat jumyspen qamtyldy
Elbasymyz N.Nazarbaevtyń 2018 jyldyń 10 qańtarynda Qazaqstan halqyna Joldaýynda: «adamdardy nátijeli jumysqa tartý úshin kóbirek múmkindik berip, olardyń jeke kásibin bastaýyna nemese mamandyq alyp, jumysqa ornalasýyna jaǵdai jasaý kerek» dep jumyspen qamtýǵa basymdyq bergen.
Saryaǵash aýdanynda 2018 jyly 29 mamandyq boiynsha josparǵa sáikes 1190 azamat qysqa merzimdi kásiptik oqýǵa joldanǵan. Oqýǵa joldanǵan azamattardyń arasynda ataýly áleýmettik kómek alǵan 1053 azamat. Jalpy oqýǵa joldanǵan 1190 azamattyń 914 azamaty suranysqa ie zaman talabyna sáikes keletin bilikti mamandyq iesi atanyp, aýdannyń mádeniet úiinde ótken jármeńkede kúálikteri saltanatty túrde tapsyrylyp, bos jumys oryndary usynyldy. Nátijesinde 662 azamat jumysqa ornalasqan.
Solardyń biri Derbisek aýyl okrýginiń turǵyny – Akimbaeva Iýldýz. Atalmysh azamatsha ataýly áleýmettik kómek alyp, aǵymdaǵy jyldyń maýsym aiynda JK «Lara» oqý ortalyǵyna 3 ailyq qysqa merzimdi kásiptik oqýǵa joldama alǵan. Akimbaeva Iýldýz ózi tańdaǵan «tyrnaq árleý sheberi» mamandyǵyn meńgerip, oqýdy aiaqtaǵannan soń ózi turatyn aýylda ashylǵan «Saia» sulýlyq salonyna jumysqa ornalasyp, búgingi tańda mamandyǵy boiynsha jumys isteýde.
Jáne de atalmysh azamatsha «Eńbek nátijeli jumyspen qamtýdy jáne jappai kásipkerlikti damytýdyń 2017-2021 jyldarǵa arnalǵan baǵdarlamasynda» biznes-ideialardy iske asyrýǵa arnalǵan memlekettik grantqa úmitker retinde qujatyn tapsyrdy. Saryaǵash aýdany turǵyndary ataýly áleýmettik kómektiń maqsaty- memleketimizdiń bizge berip otyrǵan orasan zor múmkindikterin tiimdi, utymdy paidalanyp, tabys kózin arttyryp, sonymen qatar kedeishilikten arylýǵa,ár azamattyń eki qolǵa bir jumys taýyp, kásibin ashyp, otbasyn ońaltý bolyp tabylady.
«Dalanews» aqparat
