ەلباسىمىز ن.نازاربايەۆتىڭ 2018 جىلدىڭ 10 قاڭتارىندا قازاقستان حالقىنا جولداۋىندا: «ادامداردى ناتيجەلى جۇمىسقا تارتۋ ءۇشىن كوبىرەك مۇمكىندىك بەرىپ، ولاردىڭ جەكە كاسىبىن باستاۋىنا نەمەسە ماماندىق الىپ، جۇمىسقا ورنالاسۋىنا جاعداي جاساۋ كەرەك» دەپ جۇمىسپەن قامتۋعا باسىمدىق بەرگەن.
سارىاعاش اۋدانىندا 2018 جىلى 29 ماماندىق بويىنشا جوسپارعا سايكەس 1190 ازامات قىسقا مەرزىمدى كاسىپتىك وقۋعا جولدانعان. وقۋعا جولدانعان ازاماتتاردىڭ اراسىندا اتاۋلى الەۋمەتتىك كومەك العان 1053 ازامات. جالپى وقۋعا جولدانعان 1190 ازاماتتىڭ 914 ازاماتى سۇرانىسقا يە زامان تالابىنا سايكەس كەلەتىن بىلىكتى ماماندىق يەسى اتانىپ، اۋداننىڭ مادەنيەت ۇيىندە وتكەن جارمەڭكەدە كۇالىكتەرى سالتاناتتى تۇردە تاپسىرىلىپ، بوس جۇمىس ورىندارى ۇسىنىلدى. ناتيجەسىندە 662 ازامات جۇمىسقا ورنالاسقان.
سولاردىڭ ءبىرى دەربىسەك اۋىل وكرۋگىنىڭ تۇرعىنى – اكيمبايەۆا يۋلدۋز. اتالمىش ازاماتشا اتاۋلى الەۋمەتتىك كومەك الىپ، اعىمداعى جىلدىڭ ماۋسىم ايىندا جك «Lara» وقۋ ورتالىعىنا 3 ايلىق قىسقا مەرزىمدى كاسىپتىك وقۋعا جولداما العان. اكيمبايەۆا يۋلدۋز ءوزى تاڭداعان «تىرناق ارلەۋ شەبەرى» ماماندىعىن مەڭگەرىپ، وقۋدى اياقتاعاننان سوڭ ءوزى تۇراتىن اۋىلدا اشىلعان «سايا» سۇلۋلىق سالونىنا جۇمىسقا ورنالاسىپ، بۇگىنگى تاڭدا ماماندىعى بويىنشا جۇمىس ىستەۋدە.
جانە دە اتالمىش ازاماتشا «ەڭبەك ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان باعدارلاماسىندا» بيزنەس-يدەيالاردى ىسكە اسىرۋعا ارنالعان مەملەكەتتىك گرانتقا ۇمىتكەر رەتىندە قۇجاتىن تاپسىردى. سارىاعاش اۋدانى تۇرعىندارى اتاۋلى الەۋمەتتىك كومەكتىڭ ماقساتى- مەملەكەتىمىزدىڭ بىزگە بەرىپ وتىرعان وراسان زور مۇمكىندىكتەرىن ءتيىمدى، ۇتىمدى پايدالانىپ، تابىس كوزىن ارتتىرىپ، سونىمەن قاتار كەدەيشىلىكتەن ارىلۋعا،ءار ازاماتتىڭ ەكى قولعا ءبىر جۇمىس تاۋىپ، كاسىبىن اشىپ، وتباسىن وڭالتۋ بولىپ تابىلادى.
«Dalanews» اقپارات
