"Saran" shahtasynda 14 qazanda apat bolyp, úsh adam zardap shekti. Onyń biri aýrýhanada jansaqtaý bóliminde jatyr. Atalǵan tótenshe jaǵdaidy Eńbek jáne halyqty áleýmettik qorǵaý ministrligi 18 qazanda rastap, arnaiy komissiia qurylǵanyn jetkizdi, dep habarlaidy Dalanews.kz.
EHÁQM baspasóz qyzmeti úsh adam zardap shekken apattyń sebebin tekserý úshin Memlekettik eńbek inspektsiiasy komitetiniń Qaraǵandy oblysy boiynsha departamentinde komissiia qurylyp jatqanyn naqtylady.
"2024 jyldyń 14 qazanynda saǵat 23:00-de Qarmet AQ Kómir departamentine qarasty "Saran" shahtasynda apat boldy. 41K-7V uzyn qabyrǵasynyń tómengi túiispesinde jumys isteý kezinde metall bekitkish profilin jyljytqan kezde ústińgi bólikterden taý jynystarynyń bir bóligi opyrylyp túsip, jumysshylar jaraqat aldy", delingen quzyrly vedomstvo habarlamasynda.
Zardap shekkender - taý-ken tazartý jumysshysy D.Sembekov (1988 j.t.), ken sheberi A. Grigorevich (1989 j.t.) jáne taý-ken mehanizatory A.Rýdiia (1983 j.t.).
"Apat saldarynan kompaniia qyzmetkerleri túrli dene jaraqattaryn alǵan. Olarǵa alǵashqy meditsinalyq kómek kórsetilip, zardap shekkender H.J. Maqajanov atyndaǵy oblystyq travmatologiia jáne ortopediia atyndaǵy oblystyq ortalyqqa jetkizildi. Dárigerler tekserýinen keiin D.Sembekov pen A.Grigorevich eńbekke jaramsyzdyq paraǵyn ashpai úilerine bosatylǵan. A.Rýdii qazir jansaqtaý bóliminde jatyr. Jazataiym oqiǵany tekserý úshin Memlekettik eńbek inspektsiiasy komitetiniń Qaraǵandy oblysy boiynsha departamenti komissiia qurýda. Oqiǵanyń mán-jaiy men sebepteri tergeý barysynda anyqtalady", delingen resmi habarlamada.
Politsiia "Taý-ken jáne qurylys jumystaryn júrgizý kezinde qaýipsizdik erejeleriniń buzylý" deregi boiynsha sotqa deiingi tergep-tekserýdi bastady. Oqys oqiǵanyń mán-jaiy anyqtalyp jatyr.
