Fermerler aldyndaǵy qaryzdar ósip keledi, biraq Aýyl sharýashylyǵy ministrligi bári baqylaýda ekenin málimdeidi. Ministr Aidarbek Saparov agrarshylardy qarjylandyrý boiynsha esep berdi, dep habarlaidy Dalanews.kz Orda.kz-ke siltep.
Brifing barysynda jýrnalister fermerler aldyndaǵy qaryz tolyq qashan jabylatynyn suraǵanymen,naqty jaýap berilgen joq. Fermerler ýáde etilgen tólemderdi birneshe jyldan beri kútip keledi.
Saparovtyń aitýynsha, qazirgi ýaqytta kútý paraǵynda 194 mlrd teńge tur, al mineraldy tyńaitqyshtarǵa rezervten taǵy 48 mlrd teńge bólinedi. Jalpy, 2025 jylǵy biýdjette agrarshylarǵa 400 mlrd teńgeden astam qarjy qarastyrylǵan, biraq tólemder «birtindep, josparǵa sai» júrgizilýde.
“5 % jeńildetilgen nesiege kelsek, sizder bilesizder, 2024 jyldyń 29 qarashasynda qarjylandyrýdy bastadyq. Qazirdiń ózinde 205 mlrd teńgege ótinimder tústi, jáne adamdar qarjylandyrý alyp jatyr. Kóktemgi egis jáne egin jinaý jumystaryna shamamen 700 mlrd teńge bólindi. Budan bólek, 200 mlrd teńge 5 % jeńildetilgen lizingke bólinedi”, – dedi Saparov.
Ministr fermerlerdi sýbsidiianyń ózderine tikelei bailanysty ekenin túsinýge shaqyrdy. Mysaly, olar qanshalyqty kóp tyńaitqysh satyp alsa, sonshalyqty kóp ótemaqy qajet bolady.
Jýrnalister ministrden fermerlerdiń shaǵymdaryna qatysty pikir bildirýin surady. Kóptegen diqan, ásirese astyq ósirýshiler, ózderin asyraýdyń ózi qiyn ekenin aityp otyr. Keibireýleri tipti Aýyl sharýashylyǵy ministrligi aýyl sharýashylyǵyn joiǵysy keledi dep kúdiktenedi (redaktsiiaǵa osyndai shaǵymdar kelip túsken).
“Qai sharýashylyqty joiǵaly jatyrmyz? Aýyl sharýashylyǵy ministrligi tek qoldaý kórsetip, baǵdarlamalar jasap, memlekettik qoldaýdy arttyryp jatyr. Kim? Eger ol durys jumys istemese, máseleni sheshemiz. Maǵan fermerdiń familiiasyn berińizder, onymen sóilesip, anyqtaimyz”, deidi Saparov.
Saparov sybailas jemqorlyq máselesin de qozǵady. Ministr bul problemanyń bar ekenin moiyndap, ony boldyrmaý úshin avtomattandyrylǵan júie jumys isteitinin jáne quqyq qorǵaý organdary kinálilerdi báribir tabatynyn aitty.
Ministr naqty sheshim retinde fermerlerdiń familiialaryn atap, árbir jaǵdaidy jeke qarastyrýdy usyndy.
