2025 jyldyń 31 tamyzynan bastap tasymaldaýshylar ushaqtarǵa, poiyzdarǵa jáne teńiz kóligine satyp alynǵan jáne brondalǵan biletter týraly málimetterdi quqyq qorǵaý jáne arnaiy memlekettik organdarǵa joldap otyratyn bolady. Osy sipattaǵy buiryqqa Kólik ministriniń mindetin atqarýshy Maqsat Qaliaqparov qol qoidy, dep habarlaidy Dalanews.kz.
Jańa erejelerge sáikes, tasymaldaýshylar memlekettik organdarǵa jolaýshylar týraly málimetterdi usynýǵa mindetti.
Usynylatyn málimetter tizbesine mynalar kiredi: tegi, aty, ákesiniń aty (bar bolsa), týǵan kúni, jynysy, azamattyǵy, kýálandyrýshy qujattyń derekteri, júrý baǵyty, bagaj týraly málimetter, tólem nysany, oryn nómiri, sondai-aq jolaýshy kelisimimen onyń bailanys derekteri.
Biletterdi satý kezinde jolaýshylardyń derbes derekterin jinaýǵa jáne óńdeýge mindetti túrde kelisimi alynady. Málimetterdi berý quqyq qorǵaý jáne arnaýly memlekettik organdardyń aqparattyq almasý júiesi ne olardyń bazalarymen tikelei yqpaldasý arqyly júzege asyrylady. Barlyq ýaqyt parametrleri Astana ýaqyty boiynsha belgilenedi. Tehnikalyq aqaýlar bolǵan jaǵdaida, aqparat almasýǵa qatysýshylar máseleni jedel joiýǵa mindetti.
Áýe tasymaly. Aqparat eki ret beriledi: ushýdan 48 saǵat buryn jáne tirkeý aiaqtalǵannan keiin 30 minýt ishinde. Bul mindet Qazaqstanǵa jáne elimizden reister oryndaityn sheteldik aviakompaniialardy qosa alǵanda, barlyq áýe kompaniialaryna júketeledi. Oǵan derbes derekter, bilet, marshrýt, salondaǵy oryn, bagaj jáne tólem týraly málimetter kiredi.
Temirjol tasymaly. Jolaýshylar týraly derekter "Ekspress" ABJ júiesi arqyly kelip túsedi jáne qujat, marshrýt, oryn, sondai-aq satyp alynǵan jáne brondalǵan biletter týraly aqparatty qamtidy. Aqparatty usyný kúnine bes ret júzege asyrylady.
Teńiz tasymaly. Tasymaldaýshylar, sheteldikterdi qosa alǵanda, Qazaqstanǵa teńiz kóligimen keletin jolaýshylar týraly derekterdi usynýǵa mindetti. Málimetter ýákiletti organdarǵa táýligine tórt ret usynylady: kemelerdiń kelý jáne ketý kestesine bailanysty beriledi. Derekter biletti teńiz vokzalynyń kassasynan satyp alǵanda nemese bilet onlain satylǵan kezde tirkeledi.
Buiryq 2025 jyldyń 31 tamyzynda kúshine enedi.
