Úkimet basshysynyń orynbasary Berdibek Saparbaev turmysy tómen otbasylarǵa beriletin áleýmettik ID kartasyn engizýge qatysty pilottyq joba daiyndalyp jatqanyn aitty, dep habarlaidy Dalanews.kz Nege.kz-ke silteme jasap.
"Joba byltyr qolǵa alyndy. Jýyrda AÁK arnaiy ID karta arqyly ǵana beriledi. Búginde bul karta jobasy Aqtóbe, Atyraý, Pavlodar oblystarynda jáne Almatyda iske qosyldy. Endi ony Qostanai men Mańǵystaý qalalarynda júzege asyramyz.
Barlyǵy áleýmettik karta arqyly júrgiziledi. Magným sýpermarketine arnaiy soqtym, onda barlyq áleýmettik jiyntyq arnaiy karta arqyly beriletin bolady.
Balalarǵa beriletin ol taýarlardy jergilikti atqarýshy bilik satyp alady. Úkimet qaýlysyna sáikes, ónimder bir kózden alynady. Taýardy saqtaýmen tenderde jeńgen saýda uiymy ainalysady. Al jetkizý jergilikti organdarǵa júktelgen", – dedi B.Saparbaev.
Ol az qamtylǵan otbasylarǵa kómekti ne sebepti azyq-túlik jáne basqa da taýarmen, jórgek sekildi gigiena zattarymen berý týraly sheshim qabyldanǵanyn túsindirdi.
"Biz osynyń aldynda kóptegen eldiń tájiribesin zerdeledik. Mundai kómek túri Eýropa men Aziianyń iri elderinde bar. Sodan aqshalai emes, ónimmen berýdi uiǵardyq.
Sebebi budan buryn aqshalai tólengen AÁK aqshasyn bóten maqsattarǵa paidalanǵandar bar: kreditin ótegen, qymbat uialy telefon satyp alǵan.
Al bizdiń maqsatymyz – memleket aqshasy balalardyń muqtajyna ǵana jumsalýy qajet", – dedi ol.
Premer-Ministrdiń orynbasary "kepildendirilgen áleýmettik toptama" aiasynda azyq-túlik jáne turmystyq himiia ónimderi jiyntyǵyn jergilikti ákimdikter aldaǵy aqpan aiynan berile bastaitynyn habarlady.
