Búgingi tańda bilim berý júiesine qoiylatyn talaptar kún sanap artyp keledi. Bul — zaman talaby. Memleket basshysynyń bastamasymen qolǵa alynǵan «Keleshek mektepteri» ulttyq jobasy osy talaptarǵa jaýap beretin tyń serpin boldy dep senimmen aita alamyn. Jańa mektepte alǵashqy jylymdy aiaqtaǵan maman retinde bul jobanyń artyqshylyqtaryn tájiribe júzinde kórip, sezindim.
Men jumys isteitin Petropavl qalasynyń №28 jalpy bilim beretin mektep — 2024 jyly qarasha aiynda paidalanýǵa berilgen jańa formattaǵy zamanaýi bilim ordasy. Alǵash kelgen kúnnen-aq bul mekteptiń burynǵy tiptik mektepterden ózgeshe ekeni anyq baiqaldy. Birinshiden, mekteptiń jalpy aýmaǵy keń, jaryq, oqýshy men muǵalimge qolaily. Ekinshiden, tehnikalyq jabdyqtalý deńgeii óte joǵary: interaktivti taqtalar, zamanaýi kompiýterler, robototehnika jáne STEM zerthanalary, pándik kabinetterdiń barlyǵy jańasha kózqaraspen jasaqtalǵan.
Bir jyl ishinde oqýshylardyń pánge degen qyzyǵýshylyǵy artqanyn, shyǵarmashylyq qabiletteriniń ashyla túskenin baiqadym. Mysaly, fizika sabaǵynda eksperiment jasap úirenýge arnalǵan jabdyqtardyń bolýy balalardyń tek teoriiany jattap qana qoimai, ony is júzinde túsinýine jol ashty. Bul – sapaly bilim berýdiń naqty tetigi.
Sabaqtan tys ýaqytta da balalar bos otyrmaidy. Mektepte kovorking aimaǵy, bi zaly, birneshe sport zaly jumys isteidi. Ár oqýshy óz qyzyǵýshylyǵyna sai úiirmege qatysyp, jan-jaqty damýǵa múmkindik alady. Mundai keńistikter bilim men tárbie jumysyn ushtastyra otyryp, mekteptiń naǵyz damytýshy ortaǵa ainalýyna yqpal etedi.
Ulttyq jobanyń aiasynda osyndai mektepterdiń sany artyp kele jatqany kóńil qýantady. Bul — tek jańa ǵimarat salý emes, bul — bilim berý sapasyn arttyrýǵa baǵyttalǵan júieli qadam. Ásirese shalǵai aýyldar men shaǵyn qalalarda zamanaýi mektepterdiń ashylýy — áleýmettik teńsizdikti azaitýda mańyzdy ról atqarady.
Muǵalim retinde bul ózgerister meni de jańashyl bolýǵa, únemi damýǵa jeteleidi. Jańa bilim, jańa tásil, jańa orta — munyń bári búgingi ustazǵa qoiylatyn talappen úndes.
Qorytyndylai kele, «Keleshek mektepteri» ulttyq jobasy — el bolashaǵy úshin jasalyp jatqan mańyzdy investitsiia. Óitkeni mektep qandai bolsa — keleshek te sondai. Zamanaýi mektepter sapaly bilim berýdiń naqty negizine ainalyp otyr.
Avtor: Ajdanova Roza Maratovna
Petropavl qalasynyń №28 jalpy bilim beretin mekteptiń qazaq tili men ádebieti pániniń muǵalimi
