Jahandyq saraptamalyq Investing.com platformasynda Qazaqstanǵa arnalǵan — «Trust Becomesthe New Capital as Kazakhstan Climbs 17 Places in GlobalInvestor Risk Rankings» maqalasy jaryq kórdi. Onyń avtorlary Qazaqstannyń álemdik reitingterdegi ornyn nyǵaityp, investitsiiany arttyrýǵa, ekonomikany ártaraptandyryp, iskerlik klimatty jaqsartýǵa basymdyq berip jatqanyna joǵary baǵa bergen, dep habarlaidy dalanews.kz.
Taiaýda ǵana memleketter investitsiia tartý úshin arzan jumys kúshi, salyqtyq jeńildikter jáne tabiǵi resýrstarǵa qoljetimdi etýmen básekelesetin. Qazirgi tártip ózgeshe. Biznes pandemiia, geosaiasi daǵdarystar, sondai-aq jahandyq jetkizý tizbekteriniń qaita qurylýy, tehnologiialyq básekeniń kúsheiýinen keiin keńirek oilana bastady. Endi investorlarǵa kútiletin paida ǵana emes, memlekettik institýttardyń sapasy, ekonomikalyq saiasattyń boljamdylyǵy jáne eldiń uzaq merzimdi turaqtylyqty saqtai alý áleýeti mańyzdy.
Senim jańa ekonomikalyq kapitalǵa ainaldy. Qarjy tartý qunyna, iri jobalardyń iske qosylý merzimi, halyqaralyq kompaniialardyń jańa óndiris ashýǵa daiyndyǵy jáne investitsiialyq táýekel deńgeiine áser etetini de osylar. Aldyńǵy satyǵa basqarý sapasy, sheshim qabyldaý shapshańdyǵy jáne memlekettik saiasattyń júieliligi shyǵady.
Maqala avtorlary mundai tendentsiia Ortalyq Aziia aýmaǵynan tys jerlerde baiqalatynyn aityp, Saýd Araviiasy, Úndistan, BAÁ mysalǵa keltirgen. Tabiǵi resýrstarǵa bai memleketter shikizattan shyǵyp, qaita óńdeý, logistika jáne zamanaýi óndiristi damytýǵa umtylyp jatyr.
Qazaqstan da zamannyń jańa talabyna laiyq deńgeide básekelese alatyn elder qataryna engen. Jyldyń alǵashqy jartysynda negizgi kapitalǵa túsken investitsiia kólemi 9,6% ósip, $20 mlrd asty, al jeke investitsiia 21% kóbeidi.
Buǵan qosa Qazaqstan Safest Countries for Investors 2026 halyqaralyq reitinginde 17 saty joǵarylap, (70-ten 53-ke deiin) Ortalyq Aziia elderi arasynda úzdik atandy.
Eldiń áleýetin halyqaralyq qarjy institýttary dajoǵary baǵalap otyr. Halyqaralyq valiýta qory biyl Qazaqstannyń ekonomikalyq ósimi 4,6% bolatynyn, al Dúniejúzilik bank turaqty ósimniń keler jyldary da saqtalatynyn boljaidy.
