جاھاندىق ساراپتامالىق Investing.com پلاتفورماسىندا قازاقستانعا ارنالعان — «Trust Becomesthe New Capital as Kazakhstan Climbs 17 Places in GlobalInvestor Risk Rankings» ماقالاسى جارىق كٶردٸ. ونىڭ اۆتورلارى قازاقستاننىڭ ەلەمدٸك رەيتينگتەردەگٸ ورنىن نىعايتىپ, ينۆەستيتسييانى ارتتىرۋعا, ەكونوميكانى ەرتاراپتاندىرىپ, ٸسكەرلٸك كليماتتى جاقسارتۋعا باسىمدىق بەرٸپ جاتقانىنا جوعارى باعا بەرگەن, دەپ حابارلايدى dalanews.kz.
تاياۋدا عانا مەملەكەتتەر ينۆەستيتسييا تارتۋ ٷشٸن ارزان جۇمىس كٷشٸ, سالىقتىق جەڭٸلدٸكتەر جەنە تابيعي رەسۋرستارعا قولجەتٸمدٸ ەتۋمەن بەسەكەلەسەتٸن. قازٸرگٸ تەرتٸپ ٶزگەشە. بيزنەس پاندەمييا, گەوساياسي داعدارىستار, سونداي-اق جاھاندىق جەتكٸزۋ تٸزبەكتەرٸنٸڭ قايتا قۇرىلۋى, تەحنولوگييالىق بەسەكەنٸڭ كٷشەيۋٸنەن كەيٸن كەڭٸرەك ويلانا باستادى. ەندٸ ينۆەستورلارعا كٷتٸلەتٸن پايدا عانا ەمەس, مەملەكەتتٸك ينستيتۋتتاردىڭ ساپاسى, ەكونوميكالىق ساياساتتىڭ بولجامدىلىعى جەنە ەلدٸڭ ۇزاق مەرزٸمدٸ تۇراقتىلىقتى ساقتاي الۋ ەلەۋەتٸ ماڭىزدى.
سەنٸم جاڭا ەكونوميكالىق كاپيتالعا اينالدى. قارجى تارتۋ قۇنىنا, ٸرٸ جوبالاردىڭ ٸسكە قوسىلۋ مەرزٸمٸ, حالىقارالىق كومپانييالاردىڭ جاڭا ٶندٸرٸس اشۋعا دايىندىعى جەنە ينۆەستيتسييالىق تەۋەكەل دەڭگەيٸنە ەسەر ەتەتٸنٸ دە وسىلار. الدىڭعى ساتىعا باسقارۋ ساپاسى, شەشٸم قابىلداۋ شاپشاڭدىعى جەنە مەملەكەتتٸك ساياساتتىڭ جٷيەلٸلٸگٸ شىعادى.
ماقالا اۆتورلارى مۇنداي تەندەنتسييا ورتالىق ازييا اۋماعىنان تىس جەرلەردە بايقالاتىنىن ايتىپ, ساۋد اراۆيياسى, ٷندٸستان, باە مىسالعا كەلتٸرگەن. تابيعي رەسۋرستارعا باي مەملەكەتتەر شيكٸزاتتان شىعىپ, قايتا ٶڭدەۋ, لوگيستيكا جەنە زاماناۋي ٶندٸرٸستٸ دامىتۋعا ۇمتىلىپ جاتىر.
قازاقستان دا زاماننىڭ جاڭا تالابىنا لايىق دەڭگەيدە بەسەكەلەسە الاتىن ەلدەر قاتارىنا ەنگەن. جىلدىڭ العاشقى جارتىسىندا نەگٸزگٸ كاپيتالعا تٷسكەن ينۆەستيتسييا كٶلەمٸ 9,6% ٶسٸپ, $20 ملرد استى, ال جەكە ينۆەستيتسييا 21% كٶبەيدٸ.
بۇعان قوسا قازاقستان Safest Countries for Investors 2026 حالىقارالىق رەيتينگٸندە 17 ساتى جوعارىلاپ, (70-تەن 53-كە دەيٸن) ورتالىق ازييا ەلدەرٸ اراسىندا ٷزدٸك اتاندى.
ەلدٸڭ ەلەۋەتٸن حالىقارالىق قارجى ينستيتۋتتارى داجوعارى باعالاپ وتىر. حالىقارالىق ۆاليۋتا قورى بيىل قازاقستاننىڭ ەكونوميكالىق ٶسٸمٸ 4,6% بولاتىنىن, ال دٷنيەجٷزٸلٸك بانك تۇراقتى ٶسٸمنٸڭ كەلەر جىلدارى دا ساقتالاتىنىن بولجايدى.
