Qazaqstandyq "Seif-Lombard" JShS-nyń quryltaishysy, reseilik bankir Igor Kim Ulybritaniianyń ózine salǵan sanktsiialaryna bailanysty atalǵan kompaniiadaǵy óz úlesinen bas tartpaq. JShS-nyń ol majoritarlyq aktsioneri bolyp tabylady, dep habarlaidy Dalanews.kz.
"2025 jyly 24 aqpanda" Seif-Lombard" JShS-nyń benefitsiarlyq menshik iesi Ulybritaniianyń (EO) sanktsiialar tizimine endi. Sanktsiialyq táýekelderdi joiý úshin kompaniianyń quryltaishysy Qazaqstan Respýblikasynyń zańnamasyna sáikes óz úlesin ielikten shyǵarý týraly sheshim qabyldady", dep habarlaidy Forbes.kz kompaniia baspasóz qyzmetine silteme jasap.
Igor Kim "Seif-Lombard" JShS-niń benefitsiary bolyp tabylady, 2024 jylǵy 30 qyrkúiektegi jaǵdai boiynsha onyń úlesi 98,988%-dy quraidy. 1,012% - shaǵyn paket basqarma tóraǵasy, rezident Gennadii Kimge tiesili. Majoritarii óz úlesin qandai sharttarmen jáne kimge beretinin, kompaniiadaǵylar naqtylamady.
"Seif-Lombard" habarlamasynda kompaniianyń ózi Ulybritaniianyń sanktsiialar tizimine ilinbegeni jáne 2024 jyl boiynsha 4,7 mlrd teńge paida tabady dep kútiletini kórsetilgen.
Esterińizge sala keteiik, Igor Kim reseilik Ekspobanktiń iesi retinde 2025 jyldyń 24 aqpanynda Ulybritaniianyń sanktsiialar tizimine endi. Qazaqstanda oǵan "Bereke" mikroqarjylyq uiymy da tiesili. Ol oǵan 2023 jyldyń sońynan bastap (buryn — "Seif-Lombard"arqyly) jekelei ózi ielik etedi. 2023 jyldyń jeltoqsanynda kásipker bul kompaniiany bankke ainaldyrý jospary baryn aitqan.
Buǵan deiin saitymyzda "Qai qazaqstandyq kompaniialar EO sanktsiiasyna ushyraǵany belgili boldy" degen maqala jariialanǵan. Maqalada sanktsiialar tiziminde Reseidegi Ekspobanktiń qojaiyny Igor Kim de júrgeni, ol Qazaqstandaǵy "Bereke" mikro qarjylyq uiymnyń (MQU) jalǵyz aktsioneri bolyp tabylatyny aitylǵan.
