قازاقستاندىق "سەيف-لومبارد" جشس-نىڭ قۇرىلتايشىسى، رەسەيلىك بانكير يگور كيم ۇلىبريتانيانىڭ وزىنە سالعان سانكسيالارىنا بايلانىستى اتالعان كومپانياداعى ءوز ۇلەسىنەن باس تارتپاق. جشس-نىڭ ول ماجوريتارلىق اكسيونەرى بولىپ تابىلادى، دەپ حابارلايدى Dalanews.kz.

"2025 جىلى 24 اقپاندا" سەيف-لومبارد" جشس-نىڭ بەنەفيسيارلىق مەنشىك يەسى ۇلىبريتانيانىڭ (ەو) سانكسيالار تىزىمىنە ەندى. سانكسيالىق تاۋەكەلدەردى جويۋ ءۇشىن كومپانيانىڭ قۇرىلتايشىسى قازاقستان رەسپۋبليكاسىنىڭ زاڭناماسىنا سايكەس ءوز ۇلەسىن يەلىكتەن شىعارۋ تۋرالى شەشىم قابىلدادى"، دەپ حابارلايدى Forbes.kz كومپانيا باسپا ءسوز قىزمەتىنە سىلتەمە جاساپ.

يگور كيم "سەيف-لومبارد" ءجشس-نىڭ بەنەفيسيارى بولىپ تابىلادى، 2024 جىلعى 30 قىركۇيەكتەگى جاعداي بويىنشا ونىڭ ۇلەسى 98،988%-دى قۇرايدى. 1،012% - شاعىن پاكەت باسقارما ءتوراعاسى، رەزيدەنت گەنناديي كيمگە تيەسىلى. ماجوريتاريي ءوز ۇلەسىن قانداي شارتتارمەن جانە كىمگە بەرەتىنىن، كومپانياداعىلار ناقتىلامادى.

"سەيف-لومبارد" حابارلاماسىندا كومپانيانىڭ ءوزى ۇلىبريتانيانىڭ سانكسيالار تىزىمىنە ىلىنبەگەنى جانە 2024 جىل بويىنشا 4،7 ملرد تەڭگە پايدا تابادى دەپ كۇتىلەتىنى كورسەتىلگەن.

ەستەرىڭىزگە سالا كەتەيىك، يگور كيم رەسەيلىك ەكسپوبانكتىڭ يەسى رەتىندە 2025 جىلدىڭ 24 اقپانىندا ۇلىبريتانيانىڭ سانكسيالار تىزىمىنە ەندى. قازاقستاندا وعان "بەرەكە" ميكروقارجىلىق ۇيىمى دا تيەسىلى. ول وعان  2023 جىلدىڭ سوڭىنان باستاپ (بۇرىن — "سەيف-لومبارد"ارقىلى) جەكەلەي ءوزى يەلىك ەتەدى. 2023 جىلدىڭ جەلتوقسانىندا كاسىپكەر بۇل كومپانيانى بانككە اينالدىرۋ جوسپارى بارىن ايتقان.

بۇعان دەيىن سايتىمىزدا "قاي قازاقستاندىق كومپانيالار ەو سانكسياسىنا ۇشىراعانى بەلگىلى بولدى" دەگەن ماقالا جاريالانعان. ماقالادا سانكسيالار تىزىمىندە رەسەيدەگى ەكسپوبانكتىڭ قوجايىنى يگور كيم دە جۇرگەنى، ول قازاقستانداعى "بەرەكە" ميكرو قارجىلىق ۇيىمنىڭ (مقۇ) جالعىز اكسيونەرى بولىپ تابىلاتىنى ايتىلعان.