2023 jylǵy 14 tamyzda Dúisenova Jetisý oblysynyń prokýrory Madiiar Basshybaevpen qylmystyq jaýapkershilikke tartý máselesi boiynsha jeke qabyldandy.
Onyń dálelderin eskere otyryp, prokýratýra zertteý úshin qylmystyq isti suratyp aldy.
Qylmystyq kodekstiń 147-babynyń 5-bóligine sáikes qylmystyq jaýaptylyq buqaralyq aqparat quraldarynda derbes derekterdi zańsyz taratý nátijesinde adamnyń quqyqtary men zańdy múddelerine eleýli ziian keltirilgen jaǵdaida týyndaidy.
Alaida, tergeý organy zańnamada kózdelgen tergeý merziminde jábirlenýshige eleýli ziian keltirilgenin rastaityn jetkilikti naqty derekterdi anyqtaǵan joq.
Osyǵan bailanysty, Taldyqorǵan qalasy prokýrorynyń qaýlysymen sotqa deiingi tergeý is-árekette qylmystyq quqyq buzýshylyq quramynyń bolmaýyna bailanysty toqtatyldy (Qylmystyq is júrgizý kodeksiniń 35-baby 1-bóligi 2-tarmaǵy).
Eger bul áreketterde qylmystyq jazalanatyn is-áreket belgileri bolmasa, bul rette Ákimshilik quqyq buzýshylyq týraly kodekste derbes derekterdi zańsyz jinaý jáne (nemese) óńdeý úshin jaýapkershilik kózdelgen.
Sondyqtan materialdar ákimshilik quqyq buzýshylyq týraly zańnamaǵa sáikes olardy qaraý úshin aqparattyq qaýipsizdikti qamtamasyz etý salasyndaǵy ýákiletti organǵa joldandy.
