Qazaqstan Prezidenti Qasym-Jomart Toqaev Úkimettiń keńeitilgen otyrysynda "Samuryq-Qazyna" Ulttyq ál-aýqat qoryn reformalaý barysyna kóńili tolmaitynyn jetkizdi, dep habarlaidy Dalanews.kz.
"Samuryq-Qazyna" aldyna qoiylǵan basty mindet – qordy reformalaý. Dese de bul baǵytta júrgizilip jatqan jumystyń nátijesin tabysty dep aitýǵa kelmeidi. Árine, birshama ilgerileý bar, biraq atqarar is áli de aýqymdy. Biz aqpan aiynda qordyń qyzmetin arnaiy talqylaityn bolamyz" – dedi Toqaev.
Aita ketsek, "Samuryq-Qazyna" AQ 2008 jyly qurylǵan. Qordyń basqarýynda Air Astana, "Qazaqtelekom", "Qazatomónerkásip", "QazMunaiGaz", "Qazposhta", "Qazaqstan temir joly" jáne KEGOC siiaqty eldegi strategiialyq mańyzy bar iri kompaniialar bar. Prezidenttiń aitýynsha, olardy jańǵyrtý men tiimdiligin arttyrý – ekonomikanyń ósimine yqpal etetin mańyzdy sharalardyń biri bolmaq.
Arasha-daǵy áriptesterge suqbat bergen ekonomist Saparbai Jobaevtyń aitýynsha, "Samruq-Qazynanyń" kásiporyndary memlekettiń ishindegi memleket bolyp alǵan.
"Memlekettik menshik bolǵannan keiin salyq tóleýdiń ornyna, biýdjet járdem alyp ózderiniń jeke tabystaryn, jeke múddesin joǵary qoiady. Sebebi barlyq jerde memlekettik menshik degen sóz ol eshqashan bir tiimdi isteý múmkin emes. Máselen, Qazaqstanda munai biznesimen amerikanyń kompaniiasy "Teńizshevroil" shuǵyldanady. Ol 24-25 million tonna munai óndiredi. Bizdiń biýdjetimizge 2-2,5 trillion teńge salyq tóleidi. Al dál sonsha kólemde munai óndiretin "QazMunaiGaz" bar bolǵany 1,169 milliard teńgelik salyq tóleidi. "Samuryq- Qazynanyń" tiimdiligi óte tómen. 51 memlekettik úlken kásiporyndardy alsaq sonyń 14-i búgingi kúnde tabyssyz jumys isteidi. Iaǵni memlekettik biýdjetten járdem alyp otyr. Olardy tezirek jekeshelendirý kerek", - deidi ol.
