Ol 2022 jylǵy jumysty qorytyndylap, keler jylǵa jospar týraly aityp, jýrnalisterdiń suraǵyna jaýap berdi.
Jańa basshylar – qazaqstandyqtar
Ǵibrat Aýǵanovtyń aitýynsha, byltyrǵy jyl Qor basshylyǵyndaǵy aýqymdy ózgeristermen bastaldy. Top-menedjerlerdiń sany eki ese qysqaryp, bes basqarýshy direktordyń úsheýi aýysty. Bir jyldyń ishinde Qor tobyndaǵy 12 iri óndiristik kompaniianyń 8-ine jańa basshy taǵaiyndaldy.
Olar – «QazMunaiGaz», «QazaqGaz», «Qazatomónerkásip», «Samuryq-Energo», «Qazposhta», «Qazaq Air», «Taý-Ken Samuryq», «Samuryq-Qazyna Óndeý». Osy jáne ózge de taǵaiyndaýlardyń barlyǵy @samrukazynaofficial telegram-kanalynda ashyq jariialanǵan.
Basshylyq qyzmetke qazaqstandyqtardy taǵaiyndaý – taǵy bir atap óter jańalyǵymyz. Bir jyl ishinde «Samuryq-Qazyna» tobyndaǵy kompaniialardaǵy 10 sheteldik basshynyń ornyn qazaqstandyq mamandar basty.
Olardyń qatarynda «Qazaq Air» men «Jolaýshylar tasymaly» AQ birinshi basshylary, sonymen qatar «Air Astana» áýe kompaniiasynyń vitse-prezidenti bar. Direktorlar keńesi men baqylaý keńesteriniń quramyndaǵy sheteldikterdiń sany da azaiyp keledi. Bir jyl ishinde 23-ten 14 adamǵa, iaǵni 40%-ǵa qysqardy.
Qazaqstandyq kadrdy basshylyq qyzmetke joǵarylatý – Memleket basshysynyń tapsyrmasy boiynsha júzege asyrylyp jatqan «Samuryq-Qazyna» qorynyń maqsatty saiasaty. Qor Prezidenttik Jastar kadrlyq rezerviniń (PJKR) múshelerin basqarýshy qyzmetke belsendi túrde tartady. Qordaǵy bes basqarýshy direktordyń úsheýi – PJKR músheleri.
Jumysqa turý boiynsha jańalyq
Taǵy bir atap ótetin jańalyq – birqatar bolashaq basshynyń jumysqa taǵaiyndalmas buryn psihologiialyq tekserýler men shyndyq ne jalǵandy anyqtaityn detektordan ótýi. Mundai tekseristen mindetine satyp alý jumystary kiretin «Samuryq-Qazyna» qory tobynyń menedjerlerine úmitkerler ótedi.
Bir jyl ishinde «Samuryq-Qazyna» tobyndaǵy 52 kompaniiaǵa jumysqa turýǵa ótinish bildirgen 133 úmitker jalǵan detektory arqyly synaqtan ótti. 27 adam synaqtan óte almai, jumysqa qabyldanbady.
Ǵibrat Aýǵanovtyń aitýynsha, jańa kadrlyq saiasat tek basshylarǵa ǵana emes, qarapaiym qyzmetkerlerge de qatysty.
«Samuryq-Qazynanyń» basymdyǵy – ashyqtyq pen barlyǵyna teń múmkindik. 2022 jyly Samruk Qyzmet biryńǵai rekrýting portaly tolyqqandy jumysyn bastady. Bir jyl ishinde portal arqyly ótinish bergenderdiń sany 60%-ǵa ósip, 134 myńǵa jetti, 7300 qazaqstandyq jumysqa turdy. Top-menedjer kez kelgen azamat qsamruk.kz saityna kirip, qazirgi kezde Qazaqstan boiynsha bos oryndarǵa ótinish bildire alatynyn habarlady.
Qaiyrymdylyq pen ashyqtyq
Áleýmettik jaýapkershilik turǵysynda «Samuryq-Qazyna» qory toby bir jylda aýqymdy jumys atqaryp, jaqynda ǵana Astanada ótken ashyq is-sharada esep berdi. Ǵibrat Aýǵanov 2022 jyly Samruk-Kazyna Trust qaiyrymdylyq jobalarynyń biryńǵai operatory búkil Qazaqstan boiynsha 43 áleýmettik bastamany júzege asyrǵanyn taǵy da eske saldy. 500 myńǵa jýyq azamatqa kómek kórsetildi.
«Samuryq-Qazyna» qory tobynyń qaiyrymdylyqqa bóletin biýdjeti 40 paiyzǵa, iaǵni 10 milliard teńgege deiin artty.
Endi eńbekti qorǵaý salasynda qor Vision Zero halyqaralyq kontseptsiiasyna qosylyp, ónerkásip qaýipsizdigin basqarý júiesin júieli túrde jetildirýdi bastady. Biz eńbek jaǵdaiyn jaqsartý boiynsha sheberlik sabaqtaryn, jattyǵýlar men kýrstardy únemi ótkizip turamyz. Bul 2021 jylmen salystyrǵanda jumysta jaraqattaný kórsetkishin 16%-ǵa tómendetti.
Oǵan qosa 2022 jyly «Samuryq-Qazyna» qoǵammen BAQ-qa ashyqtyqty kúsheitti. Qorǵa qarasty Qoǵamdyq keńes jumysyn bastady. Búgingi kúnge deiin 13 otyrys ótkizildi. Olarǵa 230 qazaqstandyq jetekshi sarapshy qatysyp, qor basshylyǵyna 118 usynys berdi.
Qor jumysy týraly aqparat berý boiynsha BAQ-pen birlesken jumys kúsheie tústi. Bir jyl ishinde Qor 19 baspasóz máslihatyn ótkizip, 183 press-reliz jáne áleýmettik jelilerde 2000-ǵa jýyq habarlama jariialady.
Ǵibrat Aýǵanov jýrnalisterge 2023 jyly da «Samuryq-Qazynanyń» qoǵam aldyndaǵy ashyqtyǵy nyǵaia beretinin, qor tobynyń jumysy týraly qoǵamdy ýaqytyly habardar etip turýdy jalǵastyratynyn aitty.
