Qor kompaniialary toby atynan qaiyrymdylyqpen ainalysatyn «Samruk-Kazyna Trust» qorynyń bastamashyl jobasy Qostanai oblysy Áýliekól aýdany Amanqaraǵai kentinde jalpy aýdany 1601,40 sharshy metr dene shynyqtyrý-saýyqtyrý kesheniniń qurylysy bolyp tabylady.
Oǵan 100 kórermenge arnalǵan oryndyqtar, sporttyq oiyn túrleri, kúres jáne jattyǵý zaldary, kiim sheshetin jáne jýyný bólmeleri kiredi.
Ulttyq holding basshysy qazaqstandyqtardyń salaýatty ómir saltyn ustanýyna jáne dene shynyqtyrý men sportpen kúndelikti ainalysýyna qajetti jaǵdai jasaý kompaniianyń birqatar qaiyrymdylyq jobalarynyń mindetteriniń biri bolyp tabylatynyn atap ótti.
«Bul sport kesheni sportpen ainalysatyn turǵyndardyń úlesin 2400 adamǵa deiin arttyryp qana qoimai, jańa jumys oryndaryn ashýǵa múmkindik beredi», - dep atap ótti Qor basshysy.
Sondai-aq, kompaniialar tobynyń qaiyrymdylyq qyzmeti aiasynda Qostanai oblysynda «Salamatty Qazaqstan» meditsinalyq poiyzy jumys istep jatyr.
Qyrkúiek aiynyń sońyna deiin poiyz dárigerleri kelesi stantsiialardyń turǵyndaryn qabyldaidy: Sarykól, Jarkól, Toǵyzaq, Zaaiatskaia, Qazanbasy, Qoibaǵor, Kovylnaia, Tasty-Taldy, Fýrmanovskii.
«Jeńis» jobasy aiasynda óńirde Ulttyq eriktiler jelisiniń eriktileri óz jumystaryn júzege asyrýda. Olar Qostanai oblysynda turatyn árbir soǵys ardageri men tyl eńbekkerine baryp, azyq-túlik sebetterimen jáne birinshi kezekte qajetti zattarmen qamtamasyz etedi.
