قور كومپانيالارى توبى اتىنان قايىرىمدىلىقپەن اينالىساتىن «Samruk-Kazyna Trust» قورىنىڭ باستاماشىل جوباسى قوستاناي وبلىسى اۋليەكول اۋدانى امانقاراعاي كەنتىندە جالپى اۋدانى 1601،40 شارشى مەتر دەنە شىنىقتىرۋ-ساۋىقتىرۋ كەشەنىنىڭ قۇرىلىسى بولىپ تابىلادى.
وعان 100 كورەرمەنگە ارنالعان ورىندىقتار، سپورتتىق ويىن تۇرلەرى، كۇرەس جانە جاتتىعۋ زالدارى، كيىم شەشەتىن جانە جۋىنۋ بولمەلەرى كىرەدى.
ۇلتتىق حولدينگ باسشىسى قازاقستاندىقتاردىڭ سالاۋاتتى ءومىر سالتىن ۇستانۋىنا جانە دەنە شىنىقتىرۋ مەن سپورتپەن كۇندەلىكتى اينالىسۋىنا قاجەتتى جاعداي جاساۋ كومپانيانىڭ ءبىرقاتار قايىرىمدىلىق جوبالارىنىڭ مىندەتتەرىنىڭ ءبىرى بولىپ تابىلاتىنىن اتاپ ءوتتى.
«بۇل سپورت كەشەنى سپورتپەن اينالىساتىن تۇرعىنداردىڭ ۇلەسىن 2400 ادامعا دەيىن ارتتىرىپ قانا قويماي، جاڭا جۇمىس ورىندارىن اشۋعا مۇمكىندىك بەرەدى»، - دەپ اتاپ ءوتتى قور باسشىسى.
سونداي-اق، كومپانيالار توبىنىڭ قايىرىمدىلىق قىزمەتى اياسىندا قوستاناي وبلىسىندا «سالاماتتى قازاقستان» مەديسينالىق پويىزى جۇمىس ىستەپ جاتىر.
قىركۇيەك ايىنىڭ سوڭىنا دەيىن پويىز دارىگەرلەرى كەلەسى ستانسيالاردىڭ تۇرعىندارىن قابىلدايدى: سارىكول، جاركول، توعىزاق، زااياتسكايا، قازانباسى، قويباعور، كوۆىلنايا، تاستى-تالدى، فۋرمانوۆسكيي.
«جەڭىس» جوباسى اياسىندا وڭىردە ۇلتتىق ەرىكتىلەر جەلىسىنىڭ ەرىكتىلەرى ءوز جۇمىستارىن جۇزەگە اسىرۋدا. ولار قوستاناي وبلىسىندا تۇراتىن ءاربىر سوعىس ارداگەرى مەن تىل ەڭبەككەرىنە بارىپ، ازىق-تۇلىك سەبەتتەرىمەن جانە ءبىرىنشى كەزەكتە قاجەتتى زاتتارمەن قامتاماسىز ەتەدى.
