Qazirgi ýaqytta «Samuryq-Qazyna» tobynyń portfeldik kompaniialary gazdandyrý, elektr energetikasy, elektrondyq kommertsiia, poshta qyzmetteri, aqparattyq jáne kommýnikatsiialyq infraqurylym salasynda birqatar jobalardy iske asyrýda.
Áleýmettik salany damytýǵa erekshe kóńil bólinedi. Aldaǵy birlesken bastamalar arasynda inkliýziiany qoldaý, resýrstyq kabinetin jabdyqtaý, kópfýnktsionaldy sport keshenderin salý, «Túrkistan-Shymkent-Tashkent» joǵary jyldamdyqty temirjol magistralin salý syndy birqatar jobalar talqylandy.
– Elimizdiń Tuńǵysh Prezidenti – Elbasy Nursultan Nazarbaevtyń tapsyrmasy aiasynda qor elimizdiń rýhani astanasynyń damýyna úlken úles qosty, – dep atap ótti Ómirzaq Shókeev.
Esterińizge sala keteiik, ótken jyly «Samuryq-Qazyna» qory bes áleýmettik mańyzdy nysandy oblys ákimdigine tegin bergen bolatyn: H.A. Iassaýi murajaiy, 7000 oryndyq stadion, oqýshylar saraiy, Kongress-holl jáne «Qazposhta» AQ oblystyq bólimshesiniń ǵimaraty.
2019 jyly qordyń kompaniialar toby Arys qalasyn qalpyna keltirýge belsendi qatysty. Atap aitsaq, 68 áleýmettik infraqurylym nysany jóndelip, salyndy, onyń ishinde 16 mektep, 36 balabaqsha, 8 densaýlyq saqtaý nysany, 4 sport nysany, kolledj, temirjol vokzaly, dańq alleiasy jáne ortalyq alań bar.
