قازىرگى ۋاقىتتا «سامۇرىق-قازىنا» توبىنىڭ پورتفەلدىك كومپانيالارى گازداندىرۋ، ەلەكتر ەنەرگەتيكاسى، ەلەكتروندىق كوممەرسيا، پوشتا قىزمەتتەرى، اقپاراتتىق جانە كوممۋنيكاسيالىق ينفراقۇرىلىم سالاسىندا ءبىرقاتار جوبالاردى ىسكە اسىرۋدا.
الەۋمەتتىك سالانى دامىتۋعا ەرەكشە كوڭىل بولىنەدى. الداعى بىرلەسكەن باستامالار اراسىندا ينكليۋزيانى قولداۋ، رەسۋرستىق كابينەتىن جابدىقتاۋ، كوپفۋنكسيونالدى سپورت كەشەندەرىن سالۋ، «تۇركىستان-شىمكەنت-تاشكەنت» جوعارى جىلدامدىقتى تەمىرجول ماگيسترالىن سالۋ سىندى ءبىرقاتار جوبالار تالقىلاندى.
ءوڭىر باسشىسىنىڭ ايتۋىنشا، «سامۇرىق-قازىنا» قورى تۇركىستانداعى بىرنەشە ماڭىزدى الەۋمەتتىك-ماڭىزدى نىسانداردىڭ قۇرىلىسىن قامتاماسىز ەتتى.
– ەلىمىزدىڭ تۇڭعىش پرەزيدەنتى – ەلباسى نۇرسۇلتان نازاربايەۆتىڭ تاپسىرماسى اياسىندا قور ەلىمىزدىڭ رۋحاني استاناسىنىڭ دامۋىنا ۇلكەن ۇلەس قوستى، – دەپ اتاپ ءوتتى ءومىرزاق شوكەيەۆ.
ەستەرىڭىزگە سالا كەتەيىك، وتكەن جىلى «سامۇرىق-قازىنا» قورى بەس الەۋمەتتىك ماڭىزدى نىساندى وبلىس اكىمدىگىنە تەگىن بەرگەن بولاتىن: ح.ا. ياسساۋي مۇراجايى، 7000 ورىندىق ستاديون، وقۋشىلار سارايى، كونگرەسس-حولل جانە «قازپوشتا» اق وبلىستىق بولىمشەسىنىڭ عيماراتى.
2019 جىلى قوردىڭ كومپانيالار توبى ارىس قالاسىن قالپىنا كەلتىرۋگە بەلسەندى قاتىستى. اتاپ ايتساق، 68 الەۋمەتتىك ينفراقۇرىلىم نىسانى جوندەلىپ، سالىندى، ونىڭ ىشىندە 16 مەكتەپ، 36 بالاباقشا، 8 دەنساۋلىق ساقتاۋ نىسانى، 4 سپورت نىسانى، كوللەدج، تەمىرجول ۆوكزالى، داڭق اللەياسى جانە ورتالىق الاڭ بار.
