"Samuryq-Qazyna" ulttyq ál-aýqat qory "Báiterek" holdingine 50 mlrd teńge somasynda zaem beredi. Bul týraly KASE saitynda aqparat paida boldy. Onda bul qarajattyń ekonomikanyń basym salalaryn qarjylandyrýǵa jumsalatyndyǵy aitylady. Aqsha teńge túrinde beriledi. Qaryzdy qaitarý merzimi 30 jyldy, jyldyq syiaqy mólsherlemesi 0,1% quraidy, dep habarlaidy Dalanews.kz.
Syiaqy tóleý jylyna bir ret, árbir 12 ai saiyn, al negizgi boryshty óteý – qaryz merziminiń sońynda júzege asyrylatyn bolady.
"Samuryq-Qazyna" qory men "Báiterek" holdinginiń jalǵyz aktsioneri Qazaqstan úkimeti bolyp tabylady. Naýryz aiynda "Báiterek" 2025 jyly kásipkerlikti qoldaýǵa, turǵyn úi qurylysyn damytýǵa jáne investitsiialyq jobalardy iske asyrýǵa 8 trln teńge bóletinin habarlady. 2027 jylǵa qarai qarjylandyrý kólemi 10 trln teńgege deiin ulǵaiady.
Sáýir aiynda "Báiterek" iri biznes úshin, al "Damý" qorynyń (onyń enshiles qurylymy) aiasynda shaǵyn jáne orta biznes úshin kepildik qorlaryn iske qosty.
Sonymen qatar, "Báiterek" energetika men kommýnaldyq sharýashylyqty jańǵyrtýdyń 2025-2029 jyldarǵa arnalǵan ulttyq jobasynyń qarjy operatory bolyp tabylady. Al bul maqsattarǵa 4,7 trln teńge baǵyttaý josparlanyp otyr.
